Month: June 2015

Regime changer

No longer is the game of business an exclusive domain of the big, the swift, the strong or those close to the wielder of authority.
    
A new regime  where all – big or small, weak or strong, rich or poor, obscure or famous, favored or shunned – would have an equal opportunity to compete and succeed has just been established not only as  an executive policy of the current administration but by an operation of law.
    
This means the new operating principle and its general guidelines would have a long-term or permanent impact on the way business is conducted in the country.
    
This, would, in turn, foster investor confidence and translate into capital inflows for the country, leading to sustained economic growth and  national development.        
    
And so we join stakeholders, led by the Department of Justice, in welcoming  the long-awaited approval of the Philippine Competition Act, a landmark legislation that would level the playing field for all types of businesses.
    
In a statement, Justice Sec. Leila de Lima lauded Sen. Bam Aquino and Rep. Dakila Carlo Cua for their energy and dedication to work for the passage of the bill, which gathered dust for almost 25 years in the legislative mill.
    
Sen. Bam, chairman of the Senate Committee on Trade, Commerce, and entrepreneurship, was the main author and sponsor of the measure, which is expected to be signed into law by President Aquino.
    
“The passage of this landmark measure materialized through the collective efforts of the Senate and House and the full support of private stakeholders,” Aquino said, adding that private stakeholders, such as the PCCI and the ECCP, were consulted in the crafting of the measure to ensure that the bill would be pro-business, pro-poor and pro-consumer.

 

CONTINUE READING ON JOURNAL.COM.PH

 

 

BIDA KA!: Trabaho, Negosyo, Tiwala

Mga Bida, sa huling survey na inilabas ng Pulse Asia, si Senate President Franklin Drilon ang lumabas na pinakapinagkakatiwalaang pinuno ng pamahalaan.

Nabanggit din ni SP Drilon ito noong nakapanayam niya si Karen Davila.  Nabanggit niya na dahil sa tuluy-tuloy na trabaho ng buong Senado, kaya niya nakamit ang rating na ito.

Noon pa man, ilang beses na na­ting sinasabi na upang muling makuha ang tiwala ng taumbayan, kailangan na­ming mga senador na ipagpatuloy ang pagtatrabaho sa gitna ng mga iskandalo upang mas mapaganda ang buhay ng ating mga kapwa Pilipino, lalung-lalo na ang ating mga kababayang naghihirap.

***

Kaya naman, sa gitna ng ingay-pulitika kaugnay ng nalalapit na halalan, patuloy pa rin ang pagtutok ng ating opisina sa mga panukalang magpapatibay sa ating ekonomiya at makakatulong na makaahon sa kahirapan ang ating mga kababayan.

Mabigat ang mga ito para sa isang bagong senador, pero dahil mahalaga ito para sa taumbayan, tinutukan ito ng inyong lingkod.

Kamakailan, inaprubahan ng dalawang sangay ng Kongreso ang tatlong mahahalagang panukala at naghihintay na lang ng pirma ni Pangulong Noynoy Aquino upang maging mga batas.
Kapag naging batas, malaki ang maitutulong nito sa paglago ng ating kabataan at maliliit na negosyante, mabawasan ang bilang ng walang trabaho at sa paglakas ng ekonomiya ng bansa.

Una, naratipikahan na ang Youth Entrepreneurship Act, na la­yong tugunan ang lumalaking bilang ng kabataang walang trabaho sa bansa.

Sa ulat ng Philippine Statistics Authority (PSA) at National Statistics Office (NSO), may 1.32 milyong kabataang may edad mula 15 hanggang 24-anyos ngayon ang walang trabaho.

Sa nasabing panukala, magtuturo na ng financial literacy at pagnenegosyo sa ating mga eskuwelahan upang masimulan na ang kultura ng pagnenegosyo sa ating bansa.

Pangarap natin na lalo pang  dumami ang mga nagnenegosyo sa ating mga kababayan habang lumalago ang ating bansa, at mainam na simulan na ito habang bata pa.

***

Ikalawa, inaasahan sa Foreign Ships Co-Loading Act na maka­tutulong na mapababa ang presyo ng shipping ng mga produkto sa iba’t ibang bahagi ng bansa.

Sa ilalim ng nasabing panukala, papayagan na ang mga dayuhang barko na galing sa international ports na dumaong sa iba’t ibang pantalan sa bansa para magbaba at magsakay ng kargamentong in-import at ie-export.

Sa gayon, wala nang double handling na gagawin at mumura ang presyo ng logistics sa bansa.

Alam ninyo, mga Bida, ang malaking bahagi ng presyo ng bili­hin ang napupunta sa logistics kaya inaasahan namin na bababa ang halaga ng produkto sa merkado.

***

Huli, humigit-kumulang na 25 taon din itong nabimbin sa Kongreso, pero sulit naman ang paghihintay ngayong naipasa natin sa Kamara ang Philippine Competition Act.

Sa tulong nito, magkakaroon ng patas na pagkakataon ang lahat ng negosyo, mawawala ang lahat ng mga cartel, mga nag-price fixing, nagtatago ng supply upang tumaas ang presyo, iba pang anti-competitive agreements at abuso ng malalaking kompanya.

Mga Bida, kapag may nang-aabuso sa merkado, ang talo riyan ay ang mga mamimili. Nawawalan sila ng pagkakataong pumili ng produkto, nagmamahal ang presyo ng bilihin at nahihirapang makapasok ang bagong mga kompanya na maaaring magbigay ng mas magandang serbisyo at produkto sa merkado.

Sa batas na ito, bababa ang presyo ng bilihin, mas marami nang pagpipilian at mas maraming innovation na makikita ang mga mamimili sa merkado.

Susuportahan din nito ang ating maliliit na negosyante, ha­yaan silang lumago at magbigay ng maraming trabaho para sa ating mga kababayan.

Mga Bida, maraming salamat sa inyong tuluy-tuloy na suporta. Patuloy tayong maghahain ng mga panukala para sa kapaka­nan ng nakararaming Pilipino!

***

Para sa reaksyon o suhestyon, mag-email sa bidakacolumn@gmail.com o mag-iwan ng mensahe sa www.facebook.com/BenignoBamAquino.

***

Subaybayan si Sen. Bam Aquino sa kanyang bagong radio show, Status Update, tuwing Miyerkules, 11:00 am – 12:00 pm, sa RMN Manila DZXL 558.

 

First Published on Abante Online

 

 

7 Tips Kung Paano Kumita Online

Ilang oras sa isang araw ang nilalaan mo para mag-stalk sa Facebook, magpa-cute sa Twitter, at magpost ng mga #selfie at #ootd sa Instagram? Alalahanin: Time is money. Explore mo na rin ang mga iba’t ibang paraan upang kumita ng extra online!

 By: ListAvengers

1. Magturo at Magtutor. Kung may sapat na kakayahan o kaalaman sa mga napapanahong paksa, bakit hindi mo subukang magturo online? In demand din ngayon ang mga online English teachers at tutors. Magtraining at magtutor kahit ilang oras lang kada linggo at, tulad sa pelikulang English Only Please, baka mahanap mo pa ang Derek Ramsay ng buhay mo!

BONUS: Maaaring bisitahin ang RareJob Home-based English Online Tutorial para sa possible online teaching career.

 englishonlyplease

2. Magmanage ng social media accounts. Isa sa mga nagiging trend ngayon ay ang paggawa ng mga kumpanya ng sariling FB page, Twitter at Instagram accounts. Paraan nila ito para icommunicate ang mga messages, announcements, promos o mga updates. Sa halip na i-check bawa’t minuto kung ilan na ang nag-like ng post mong mega drama o i-stalk ang ex mo, magmanage ka na lang ng mga social media accounts ng iba – brand man o celebrity!

socialmediamanager

3. Maging blogger. Ang hobby na ito ay puwede maging source ng income! Magsulat ng mga makatotohanang karanasan, magbigay ng travel tips, magreview ng mga pagkain o damit, o di kaya ay magdocument ng mga kaganapan sa inyong lugar. Ilan lamang iyan sa mga puwedeng laman ng iyong blog. Sumali rin sa mga blogger groups tulad ng Nuffnang Philippines upang makakuha ng tips, makilala ang iba pang mga bloggers, at makakuha ng advertisers para kumita!

 filipinobloggers

4. Magfreelance. Sino ba ang hindi ma-eengganyong kumita ng extra?  Bukod sa iyong official na trabaho, puwede mong gamitin ang iyong mga skills para rumaket online. Bisitahin ang website na E-lance o di kaya naman Odesk, at magbrowse ng mga online jobs na pasok sa kakayahan o schedule mo. Ang maganda rito ay ikaw ang sarili mong boss at may kontrol sa oras mo. Siguraduhan lang na huwag gawin ang raket during office time at matatapos mo ang lahat ng commitment na makuha mo!

BONUS: The 15 Best Freelance Website To Find Jobs

freelancejobs

5. Magdevelop. Hindi lang feelings ang puwedeng madevelop, pati website! Imbis na gumastos sa panliligaw, kumita ka na lang bilang isang developer na taga-design o taga-maintain ng website. Kung wala pang programming skills, nag-ooffer ang TESDA ng vocational course para dito. Go! Go! Go!

webprogrammer

6. Maglaro. Marami ang naa-adik sa mga online games gaya ng Clash of Clans o DOTA. Sa computer shop man o sa sariling bahay, marami ang naglalaan ng oras para makapaglaro ng mga ito.  Gamitin ang oras sa paglalaro para magpakadalubhasa at sumali sa mga e-sports competitions. Ilan sa mga competition na ito ay nag-ooffer ng mga premyong pera na puwedeng ipunin at gamitin pang-tuition o panggastos sa mga bayarin sa bahay. Gawing inpirasyon ang TeamRave na kilala na sa buong mundo.

esports

7. Magbenta. Simulan na ang matagal-tagal mo ng inaasam na negosyo. Magsimula sa maliit lang muna. Para walang gastos sa renta at tao, magbenta na lamang online gamit ang iba’t ibang platform. Puwedeng simulan muna sa Facebook kung wala pang sapat na puhunan para sa website. Magbenta ng mga kung anu-anong items tulad ng damit, pagkain, gamit sa bahay o gadget, siguraduhin lang na may market ang ibebenta mong mga produkto. Marami na ring mga Pilipino ang umangat ang estado ng buhay dahil sa pagbebenta online. 

BONUS: Bukod sa Facebook, maaaring magbenta ng inyong mga produkto sa OLX o Ebay.ph

onlineselling

Kung mayroon kayong naiisip na lis7ahan at nais maging miyembro ng Listavengers, mag-e-mail sa team.bamaquino@senado.ph!

Bam on Price Fixing and Cartels (‘Umagang Kay Ganda’ Interview)

Q: Pag pinag-uusapan ang Fair Competition, ang isip ng tao, blue market economy. Pang-karaniwang tao ito?

Sen. Bam: Well actually, ang Philippine Competition Act, pasado na ito. Hinihintay na lang iyong pirma ni Presidente. This is actually a landmark bill. Ito ang isa sa pinaka-landmark bill ng 16thCongress.

Sabi nga nila, longest-running bill in Congress. Almost 25 years na itong nakabimbim sa Kongreso. Sabi nga ng maraming eksperto, dapat after World War II pa ito naipasa. Because of vested interest, hindi ito mapasa-pasa.

Finally, napasa natin ito. So we’re very proud of this bill. We’re hoping mapirmahan na ito ng Presidente. Ang lalabanan ito, mga kartel, mga abuses of dominant players. Pabor talaga ito sa ating taumbayan, especially iyong mga namimili.

Q: Ano ang pakinabang ng mga sasakay sa tricycle ngayon, pupunta sa palengke diyan sa panukalang iyan?

Sen. Bam: Unang-una alam naman natin na may nagmamanipula ng presyo ng bilihin. Of course ang pinakasikat diyan ang garlic at onion. 

Mga iba’t ibang mga negosyante, mag-uusap-usap, o hindi muna tayo maglalabas ng mga produkto, pataasin natin. Pagtaas ng presyo, babanatan natin iyong merkado. That’s called price fixing.

Sa ating bansa, hindi malinaw ang batas na nilalabag nila. With this law, pag napasa na ito, malinaw na malinaw puwede mo silang kasuhan ng price fixing among competitors.

Iyong isa pa riyan, iyong tinatawag na abuses of dominant position. Iyong malalaking kumpanya hindi pinapayagan ang mga maliliit na pumasok sa merkado. Kanya-kanyang girian iyan, kanya-kanyang box out iyan.

Kaya for certain industries, kakaunti ang players diyan, kakaunti lang ang mga kumpanya. Alam natin na kapag kakaunti lang ang kumpanya, mataas ang presyo, hindi maganda ang kalidad. That’s also now prohibited.

Q: Kung ano lang ang ibigay ng negosyante, iyon lang ang tatanggapin…

Sen. Bam: Iyon ang monopolyo, wala kang choice. But if itong malalaking players naman, kung lahat sila, patas-patas ang laban, level playing field, whether malaki ka o maliit ka, puwede kang makipagsabayan sa merkado, pabor iyon sa mga tao.

Ang third, iyong tinatawag na mergers and acquisitions. Kapag may malalaking kumpanya, nagsasanib sila, the Philippine Competition Commission, na binubuo ng Philippine Competition Act, puwede silang magsabi na hindi puwedeng magsama ang mga kumpanyang iyan.

Kapag nagsama iyan, masyadong mako-concentrate ang kapangyarihan sa merkadong iyan. You cannot merge. So very powerful ang mabubuong opisina ng Philippine Competition Act, ang Philippine Competition Commission.

Sa ibang bansa, normal iyan e. Kumbaga competition policy is already normal in all the rest of the world. Tayo po, huling-huli tayo dito. Finally, kapag naipasa po ito, masasabi nating nakikipagsabayan na tayo sa buong mundo.

Q: Dito po sa Southeast Asia, pang-ilan tayo doon sa nagkaroon ng competition policy.

Sen. Bam: If I’m not mistaken, tayo ang isa sa pinakahuli. Iyong last na nagkaroon ng competition policy was Malaysia in 2012. But if you look at Europe and the US, 20s, 30s, 40s, 1940s pa iyong kanilang competition policy.  Iyong Japan actually had their competition policy after World War II.

So talagang panahon na magkaroon na ng polisiyang ito. Malabanan natin ang kartel, malabanan natin ang abuses ng mga monopolyo at masiguro nating fair ang merkado sa ating namimili.

Q: Ilang araw na lang ang hinihintay natin bago ito pirmahan ng Pangulo?

Sen. Bam: I’m hoping mapirmahan ito bago ang SONA. Because I think maganda itong i-announce during the State of the Nation. Nakakatawa nga e, itong bill na ito ang pinaka-importanteng bill na hindi alam ng mga tao.

Hindi po talaga siya napag-uusapan but we worked very hard for this bill. Iyong bicam po nito, apat na araw, over 30 hours ng deliberations.  Napakatagal po at napakahirap buuin, but we feel once this bill is passed, pabor po ito sa maliliit na negosyante at pabor sa ating namimili.

Q: Malapit sa sikmura. Maraming salamat Senador Bam Aquino.

BIDA KA!: Kabataan kontra kalamidad

Sa 2013 Climate Risk Index, una ang Pilipinas sa pinakama­tin­ding naapektuhan ng kalami­dad kasunod ng pagtama ng bagyong Yolanda na pumatay nang mahigit 6,000 katao at sumira ng ari-ariang aabot sa $18 billion.

Maliban pa sa bagyo, nakaamba rin ang banta ng malakas na lindol sa bansa. Kamakailan lang, inilabas ng Philippine Ins­titute for Volcanology and Seismology (Phivolcs) ang Valley Fault Atlas na naglalaman ng mapa kung saan dumadaan ang West Valley Fault sa Greater Metro Manila Area.

***

Sa gitna ng mga nagdaang trahedya at kalamidad sa ating bansa, nakita natin ang ambag ng kabataang Pinoy tuwing may kalamidad.

Mula sa rescue operation, pamamahagi ng relief goods hanggang sa pagbibigay ng iba’t ibang uri ng tulong sa mga biktima ng sakuna at kalamidad, nagbubuhos sila ng oras at lakas para makatulong sa mga kababayan.

Sa Cauayan City, Isabela, ang Red Cross Youth and Junior Rescue Team ay nakagawa ng Disaster Management eco-rafts mula sa recycled plastic bottles na kanilang ipinamahagi sa mga nakatira sa malapit sa ilog at mga lugar na madalas bahain.

Tuwing may bagyo at umaakyat ang tubig, ginagamit ang mga eco-raft na ito ng mga pamilya roon upang makaligtas sa anumang sakuna.

Mahalaga na may alam at kasanayan ang ating mga kababayan sa basic life support, first-aid training at rescue ope­rations lalo na sa panahon ng sakuna. Naranasan ito mismo ng Hayag Youth Organization ng Ormoc, Leyte.

Isinagawa nila ang “Langoy Para sa Kaluwasan” program na isa nilang advocacy sa disaster preparedness. Noong tamaan ng bagyong Yolanda ang Ormoc, lahat ng miyembro ng Hayag na tinuruang lumangoy ay naligtas sa delubyo.

Ang Rescue Assistance Peacekeeping Intelligence Detail o RAPID ay malaki rin ang naitulong kung saan itinuturo nila ang emergency response, first aid, bandaging, evacuation at iba pang kaalaman at kasanayan na kakailanganin tuwing may sakuna.

Ang mga nagtapos sa RAPID ang mga ilan sa first res­onders noong bagyong Yolanda, lindol sa Bohol at pati sa lumubog na barko sa Cebu kung saan isinigawa ng mga trai­nees ang kanilang natutunan na cardiopulmonary resuscitation o CPR na natutunan upang mailigtas ang sanggol na walong buwan pa lamang!

Napakarami na ngayong mga youth group na nagtuturo ng mga kasanayang ito at kumukuha ng mga volunteer para mas maparami ang may kaalaman sa disaster response and rescue — mula sa Hayag Youth Organization sa Ormoc, Leyte, sa Rescue Assistance Peacekeeping Intelligence Detail (RAPID) sa Cebu hanggang sa Muntinlupa Junior Rescue Team at The Responders sa South Central Mindanao.

***

Ngayong higit kailanman, kailangan natin ang tulong ng sektor ng kabataan — mula sa edukasyon, rescue, response, relief at rehabilitasyon — sa posibleng pagtama ng kalamidad.

Dahil subok nang kasama ang mga kabataan sa panahon ng kalamidad, oras na para kilalanin at pagtibayin ang kanilang mahalagang papel pagdating sa disaster risk reduction and management.

Ito’y sa pamamagitan ng inihain kong RESC­Youth Act of 2015, na la­yong palakasin pa ang antas ng partisipasyon ng kabataan at isama sila sa pagpaplano at pagha­handa para sa pagdating ng anumang kalamidad.

Layon ng panukala na isama ang National Youth Commission (NYC) chairman sa National Disaster Risk Reduction and Management Council (NDRRMC).

Kasabay nito, isasama rin ang kinatawan ng mga kabataan sa Regio­nal Disaster Risk Reduction Management Council (RDRRMC).

Umani ng suporta ang panukalang ito mula sa Department of the Interior and Local Government (DILG), local government units (LGUs), NDRRMC at NYC.

Ayon sa kanila, mahalaga na isama ang mga kabataan mula sa pagpaplano hanggang sa pagsasakatuparan nito.

Sa tulong ng kabataang Pinoy, mas magiging handa tayo sa anumang kalamidad na tatama sa bansa!

 

First Published on Abante Online

BIDA KA!: Kapital sa pagnenegosyo 2

Ito ang nagtulak sa akin para maghain ng panukalang batas na magbibigay ng tulong sa ating Microfinance NGOs.

Noong nakaraang linggo, nagtalumpati ako sa Senado kasabay ng pagpasa ng mga panukala para sa Microfinance NGOs Act.

Sa aking talumpati, binigyang diin ko ang mahalagang papel ng mga microfinance NGOs sa pagpapalago ng micro, small at medium enterprises (MSMEs) sa pagpapalakas ng ekonomiya.

***

Maliban dito, nagbigay rin ako ng dalawang kuwento ng tagumpay sa tulong ng MFI NGOs.

Mga Bida, isa sa mga natulungan na ng microfinance NGOs ay sina Aling Ester Lumbo at asawang si Mang Bartolome, na tubong-Negros Occidental. Sila ang unang nagbenta ng mga hinabing pandan bags sa merkado.

Nang sumailalim sa operasyon ang ikatlong anak sa Maynila, napilitan silang iwan ang kanilang negosyo upang tiyaking bumuti ang kalagayan ng kanilang anak.
Pagbalik nila sa kanilang bayan, naubos ang kanilang pangkabuhayan at nabaon sila sa utang.

Buti na lang at natagpuan nila ang Negros Women for Tomorrow Foundation (NWTF), isang microfinance NGO, na siyang tumulong sa kanila na makabalik sa kanilang pagnenegosyo.

Ngayon, nakabebenta sila ng 150,000 pirasong gawa sa pandan kada-buwan. Nakapagpatayo na rin sila ng isa pang bakery. Higit sa lahat, nasustentuhan nila ang kanilang pamilya at nakapagtapos ang ang kanilang tatlong anak sa kolehiyo.

***

Natulungan din ng microfinance NGO na Alalay sa Kaunlaran, Inc. (ASKI) si Consuelo Valenzuela na mapalago ang kanyang iba’t ibang negosyo.
Maliban sa pautang, tinuruan pa ng ASKI, isang microfinance NGO, na nagturo sa kanya ng marketing at sales.

Dinala ni Aling Consuelo ang kanyang mga produkto sa mga provincial at regional trade fairs. Para kumita, binenta niya nang wholesale ang kanyang mga produkto sa labas ng kanilang probinsya.

Sa ganda ng kanyang mga ibinebenta, umabot pa sa California ang kanyang mga produkto. Dahil dito, napag-aaral niya ang mga pamangkin at nasusustentuhan ang pangangailangan ng kanyang pamilya.

***

Ngayon, panahon naman para tulungan natin ang microfinance NGOs upang mapalawak pa nila ang serbisyong ibinibigay sa ating mga kababayan.

Sa ganitong paraan, mas marami pa tayong mababasa na kuwento ng tagumpay, tulad nina Aling Ester at Consuelo!

 

First Published on Abante Online

BIDA KA!: Pagkakaisa susi sa himala

Lumipas ang mga oras pero marami pa rin sa ating mga kaba­bayan ang hindi inalis ang tainga sa radyo at ang mga mata sa telebisyon.

Nagbunga naman ang matiyagang paghihintay nang bandang alas-tres ng madaling-araw ng Miyerkules nang ianunsiyo ng pamahalaan ng Indonesia ang isang malaking himala.

Ipinagpaliban nila ang pagbitay kay Mary Jane ilang minuto na lang bago ang nakatakda niyang pagharap sa firing squad.

Maituturing na malaking himala ang nangyari dahil ang ­lahat ng indikasyon ay tuloy nga ang pagbitay kay Mary Jane. Katunayan, itinuloy na ng Indonesia ang pagbitay sa walong iba pang drug convicts na nauna kay Mary Jane.

Nagbunyi ang buong bansa, pati na rin ang buong mundo, sa nangyaring himala.

***

Ngunit kung ako ang tatanungin, mas malaking himala ang nangyaring pagkakaisa ng iba’t ibang sektor ng lipunan para mailigtas si Mary Jane.

Mula sa administrasyon, oposisyon at makakaliwang grupo, iisa lang ang naging pagkilos at iisa lang ang isinulong.

Matagal-tagal na rin bago ito nangyari. Isang Mary Jane Veloso ang kinailangan upang muling pag-isahin ang mga sektor na nahati ng pulitika, galit at marami pang isyu.

Palagi kong sinasabi na kapag naupo sa iisang mesa ang iba’t ibang sektor, may positibong resulta o pangyayari. Sa ­sitwasyong ito, malaking himala ang kanilang nakamit.

Sa sama-samang pagsisikap ng maraming sektor, muling napatunayan na walang imposible at maaaring makamit lahat.

***

Pagkatapos nito, mainit ang naging usapan kung sino ang dapat pasalamatan at mabigyan ng credit sa pangyayari.

Mga Bida, hindi mahalaga kung sino ang dapat pasala­matan. Ang mahalaga rito, pansamantalang nabigyan ng panibagong buhay si Mary Jane.

Sa halip na sabihing, “si ganito o si ganyan ang susi sa nangyari at dapat bigyan ng papuri”, mas mainam siguro na papurihan ang lahat dahil sa sama-sama namang kumilos.

Ito ay isang bihirang pagkakataon na lahat ay sama-­samang kumilos tungo sa iisang hangarin. Bakit hindi natin ito kayang gawin para sa mas nakararaming Pilipino?

***

Upang muling mapagsama-sama sa iisang mesa ang kaukulang ahensiya ng pamahalaan at iba’t ibang sektor, naghain tayo ng resolusyon na layong imbestigahan ang kaso ng mga OFW na nahaharap sa death penalty sa iba’t ibang panig ng mundo.

Nais ko ring malaman kung bakit naaantala ang pag­resolba sa iba pang mga kasong may kinalaman sa OFWs, lalo na pagdating sa illegal recruitment at trafficking.

Sa huling bilang ng Department of Foreign Affairs, 805 overseas Filipino workers (OFWs) ang nakakulong sa iba’t ibang bahagi ng mundo. Apatnapu’t lima sa kanila ang nasa death row.

Sa nasabing tala, 341 sa kabuuang bilang ng kaso ay nasa Asya, 244 sa Middle East at Africa, 116 sa United States at 104 sa Europe.

Hangarin ng pagdinig na alamin kung hanggang saan ang tulong na ibinibigay ng pamahalaan sa ating OFWs, na nagpapasok ng $22 billion kada taon sa ekonomiya ng bansa.

Kung itinuturing natin bilang bayani ang ating OFWs, dapat natin silang bigyan ng sapat na suporta at proteksyon lalo na’t sila’y nasa ibang bansa.

Malaki ang kanilang kontribusyon sa kaunlaran ng bansa. Huwag natin silang pabayaan!

 

First Published on Abante Online

DOJ, Private Businesses Welcome Passage of Bill Penalizing Cartels, Abuse of Dominance

Stakeholders, led by the Department of Justice (DOJ), welcomed the long-awaited approval of the Philippine Competition Act, a landmark legislation that will level the playing field for all types of businesses

In a statement, DOJ Secretary Leila de Lima lauded Sen. Bam Aquino and Rep. Dakila Carlo Cua for their energy and dedication to work for the passage of the bill, which gathered dust for almost 25 years in the legislative mill.

Sen. Bam, chairman of the Committee on Trade, Commerce and Entrepreneurship, was the main author and sponsor of the measure, which is expected be signed into law by President Aquino.

“The Department will continue to support legislation that will level the playing field and inject fairness and transparency in dealings and transactions specially those affecting small businesses and consumers,” De Lima said.

“This legislation actually rewards good business practices and goes against those who exploit markets or engage in abusive behavior,” said DOJ Assistant Secretary Geronimo Sy, head of DOJ-Office for Competition.

 “Building a competition culture across all sectors of society is key. We are happy that we finally passed it,” added Sy.

Under the proposed law, the DOJ-Office for Competition is assigned to investigate cartels that are considered criminal actions.

Meanwhile, the Philippine Chamber of Commerce and Industry (PCCI) expects a sustained strong economy with ratification of the Philippine Competition Act.

 “This law will push businesses to engage in a healthy rivalry so that they will gain more consumers. It gives us the incentive to be more efficient and to offer the public better quality products and services,” PCCI president Alfredo M. Yao said in a statement.

If enacted into law, Yao added that the Philippine Competition Act will encourage the entry of small firms into the market “with the expectation that rules will be applied equally to all.”

The European Chamber of Commerce in the Philippines, for its part, expressed full support behind the passage of a national competition law, saying it would “ensure a level playing field for business, protect consumer welfare and make the Philippine economy more competitive.”

“The passage of this landmark measure materialized through the collective efforts of the Senate and House and the full support of private stakeholders,” Sen. Bam said.

 Sen. Bam added that private stakeholders, such as the PCCI and the ECCP, were consulted in the crafting of the measure to ensure that the bill would be pro-business, pro-poor and pro-consumer.

BIDA KA!: Pagpupugay sa Peoples Champ!

Subalit, puro yakap, iwas at takbo ang ipinakita ni Mayweather sa kabuuan ng 12 rounds na bakbakan.
Kaya nang ihayag ang panalo ni Mayweather, umali­ngawngaw ang malakas na pagkontra ng fans sa desisyon.

Para sa fans, sapat na ang ginawa ni Pacquiao para manalo habang halos panay takbo, iwas at yakap lang ang ginawa ni Mayweather at hindi nakipagsabayan sa Pambansang Kamao.

Kaya may ilang Hollywood stars ang nagpahayag ng pagkadismaya sa social media, kabilang na si Jim Carrey, na nagsabing, “hindi niya alam kung boksing ang kanyang napanood o Dancing With The Stars.”

Pinuri naman ni Sylvester Stallone ang Pambansang Kamao sa kanyang tweet na “Manny Pacquiao – without a doubt, the single, bravest and most exciting fighter to ever lace on gloves. No one comes close. Seen them all!”

Dismayado naman sina dating heavyweight champion Mike Tyson at bilyonaryong si Donald Trump sa resulta ng laban.

Sa tweet ni Tyson ay nakalagay na, “We waited 5 years for that. #Underwhelmed #MayPac” habang nag-post naman si Trump ng, “The fight was a total waste of time.”

***

Mistula namang binagsakan ng langit at lupa ang buong Pilipinas nang ianunsyo ang resulta ng laban.
Maraming nangantiyaw nang husto sa ginawang pag-iwas, pagtakbo at pagyakap ni Mayweather sa paggawa ng iba’t ibang memes sa social media sites.

Kahit pa nakatikim ng masakit na pagkatalo, hindi pa rin nawala ang matibay na suporta ng Filipino sa Pambansang Kamao.
Nanatili pa ring nagkakaisa ang bansa sa likod ni Pacman. Itinuturing pa rin siyang bayani at inspirasyon ng maraming Filipino.

Hindi ba’t masayang tingnan kapag nagkaka­isa ang taumbayan, lalo na sa harap ng matinding pagsubok.
Pero mas maganda kung hindi lang tuwing may laban si Pacquiao nagkakaisa ang mga Fili­pino. Mas maganda kung mangyayari ito sa ­lahat ng panahon, lalo na ­tuwing may kagipitan o krisis.

Mas mabilis ang pagbangon at mas madaling malampasan ang pagsubok kapag nagkakaisa ang lahat. Mas madaling lampa­san ang problema kung lahat tayo’y nagsasama-sama upang ito’y maresolba.

Muli na namang na­pa­tunayan na lalong tumitibay ang pagkakaisa ng mga Filipino tuwing nahaharap sa pagsubok. Gawin natin ito sa lahat ng panahon!

 

First Published on Abante Online

BIDA KA!: Usapin ng magkakapitbahay

Nabanggit sa akin ng mga naka­tira doon na kapag dinire-­diretso ang dagat ay matutumbok na ang mga istrukturang gina­gawa ng Tsina sa Bajo de Masinloc.
Humigit-kumulang daw na 124 nautical miles o 230 kilometro lang ang layo ng mga itinatayong istruktura ng Tsina mula sa Masinloc. Katumbas lang ito ng biyahe mula Maynila hanggang Pangasinan.

Kapag ginamitan ng pump boat, sa loob lang ng labing-dalawang oras ay mararating na ang nasabing mga istruktura. Apat na oras naman kung speed boat ang gagamitin.
Mga Bida, sa nasabing distansiya, pasok pa ito sa tinatawag na 200 nautical-mile Exclusive Economic Zone (EEZ) ng bansa.

Pasok ang mga ito sa ating teritoryo.
***

Ang Bajo de Masinloc ay isa lang sa pitong isla kung saan may ginagawang reclamation at iba pang ginagawa ang Tsina.

Batay sa mga inilabas na surveillance photos ng AFP, makikita ang mabilis na paggawa ng mga Tsino ng isang airstrip na kaya ang maliliit na eroplano.

Ngunit hindi pa malinaw kung kanino nga ba ang mga na­sabing lugar. Hindi lang tayo at ang mga Tsino ang nagsa­sabing atin iyon, kundi iba pang bansa sa Asya.

Tayo ang may pinakamatibay na posisyon dahil sa lapit ng mga islang ito sa ating bansa. Ang totoo, tatlo nga sa mga ito ay nasa loob na ng EEZ ng Pilipinas.

Kaya kung posisyon lang ang pag-uusapan, tayo ang may pinakamalaking karapatan sa mga nasabing teritoryo.

Ngunit walang pakundangan ang Tsina sa pagpapatayo ng mga istruktura kahit hindi pa nareresolba ang mga isyu.

***
Mga Bida, hindi naman natin pipiliin ang makipagdigmaan sa isyung ito. Lalo lang lalaki ang hidwaan at hindi pagkaka­unawaan sa pagitan ng mga bansa.

At palagay ko, pati rin naman ang Tsina, hindi rin nagnanais ng karahasan.

Kinakailangang idaan sa tamang proseso ang pagresolba sa isyung ito, kaya minarapat ng ating pamahalaan na dalhin ang isyu sa mga komunidad ng mga bansa na kinalalagyan natin, na naaayon sa United Nations (UNCLOS) at sa Association of South East Asian Nations (ASEAN).

Mga Bida, ang usaping ito ay hindi lang panlokal, kundi ito ay isang panrehiyon at global na isyu. Kaya nararapat lang na maresolba ito sa mas malawak na pag-uusap kasama ang ibang mga bansa.

Sa panahong ito ng globalisasyon at matitibay na mga relasyon ng mga bansa sa isa’t isa, naniniwala tayo na ma­payapang mareresolba ang usapin sa tulong ng ating mga kaibigan at mga kapitbahay sa rehiyon.

Kaya buo ang ating suporta sa hakbang ng pamahalaan na tahakin ang mapayapaang daan at dalhin ang usaping ito sa UN at sa ASEAN.

 

First Published on Abante Online

Scroll to top