Mini Press Conference, 23 June 2015

 

On the Philippine Competition, Foreign Ships Co-Loading  and Youth Entrepreneurship Acts

“Mayroon tayong tatlong batas na na-sponsor at na-author na handa na for signing ni Presidente. And we’re hoping bago po yung SONA mapirmahan po ito. Iyong una po diyan at pinakamahalaga ay ang Philippine Competition Act na siyang longest running bill ngayon po sa ating Kongreso.  More than 25 years na po itong naghihintay na maipasa. 

This will finally prohibit cartels, abuses of dominant position tsaka anti-competitive agreements, lahat ng mga nang-aabuso sa ating merkado, nagpapataas ng bilihin ng presyo ng ating mga bilihin. 

Iyong pangalawa po riyan ay ang pagpayag na pumasok po iyong ating foreign ships handling import and export cargos sa iba’t-ibang mga port sa ating bansa.  Isa rin ho itong mahalagang batas dahil pagginawa ho natin ‘to, bababa rin po yung costs ng logistics sa Pilipinas.  Alam ho natin na iyong presyo po ng bilihin natin, malaking porsyento po niyan nasa logistics costs so hopefully bababa rin po yung presyo ng ating bilihin sa batas na iyan.

Iyong pangatlo naman ay ang Youth Entrepreneurship Act at isa po itong malapit na malapit sa aking puso. Alam ho natin na marami pong kabataan ang walang trabaho at nahihirapan po na makipag-engage sa negosyo, so this act will, hopefully, will address youth unemployment sa ating bansa

So we’re hoping po na itong tatlong napakahalagang batas na siya pong sinulong po natin will be signed before the SONA at maging batas na po ito pagdating po ng taong ito.”

Q: Sir, iyong Philippine Competition Act, gaano po katagal sir yung bill na ‘to?

“Well, alam ninyo ‘no naging contentious po ito kasi ito po yung lumalaban sa mga monopolyo, sa mga abuso na malalaking kumpanya at sa mga anti-competitive agreement.

So throughout the years, there’s been a strong lobby against this bill, but this time talagang nakita naman po natin na nagtulungan iyong Kongreso at Senado, and finally we have this landmark bill passed in 2015.”

Q: Sir, how will it affect status quo like the current state of the industry in the Philippines?

“Unang-una iyong mga cartels natin.  Recently, iyong onion and garlic cartels na nakita natin na nag-manipulate ng presyo at nagtaasan po.  Finally may batas na nagsasabi na iyong ginagawa po nila ay siyang mali talaga at pwede silang makulong sa pagmamanipula ng mga presyo ng bilihin.

Pangawala, the Philippine Competition Commission, which will be created through this Act, can look at different industries and puwedeng magbigay ng mga suggestions o reforms, kung paano mas magiging competitive iyong mga industries na ito.”

Q: Sir how will you prove?

“Mayroon namang case law diyan throughout the rest of the world, and that’s already a standard sa ibang mga bansa. In fact, if you look at our neighboring countries, marami sa kanila mayroon nang competition policy.

Europe and the US, mayroon na sila niyan for the past 50, 60, 70 years. So there is already case law na pwedeng tumulong sa ating Philippine Competition Commission para ma-prove kung ano po iyong manipulated prices or ano yung cartel-like behavior.

Marami naman pong examples sa buong mundo. But I think yung mahalaga is that finally, we have a body na puwedeng tumingin sa isang industriya at sabihin, kulang iyong kumpetisyon diyan or hindi fair.

 Kailangan iyong mga penalties or kailangan ng mga bagong reporma sa mga industriyang iyan para mas maging patas yung laban para sa ating mga negosyante.”

Q: Off-hand, ano yung mga industries na ito? Mayroon ba kayong in mind? 

“Well the cartels I think are quite clear, na sa maraming agricultural products kitang-kita na may nagmamanipulate ng prices natin.

In the past couple of weeks some people have pointed to industries na kulang ang competition like the telecommunications industry for example where we only have two major players.

The Philippine Competition Commission can actually look at that industry and say, “Kailangan ng mas maraming kompetisyon diyan, kailangan mas healthy iyong ating markets para mas maraming pinagpipilian iyong ating mamamayan.”

So it affects all industries. At kung ang isang industriya natin healthy ang competition, you will see that prices will go down and quality goes up.”

Q: Paano nangyari na nakalampas kayo dun sa 25 years? I’m sure maraming naglo-lobby.

“Yeah, marami namang naglo-lobby but I think nalagpasan ito dahil the Speaker, the Senate President, and the President all really pointed to this bill as one of the priority measures.

Ang ekonomiya natin nag-mamature, nag-poprogress. Kailangan na natin ng ganitong klaseng mga patakaran, mga regulasyon, rules, rules of the game, para mas maging patas iyong laban para sa ating mga negosyante,.

We have the best economy in the ASEAN now pero wala tayong competition policy. So it’s one of those things na kung gusto talaga natin mag-modernize at mag-move forward as a country, isa ito sa mga batas na kailangan talaga natin.”

Q: Sir, may penalty yan under the admin?

“Yes, meron siyang administrative penalty which are your fines, and meron siyang criminal penalties also. So depende dun sa gawain ‘no, kung ito ay criminal in nature or just administrative.”

Q: Sinong mag-hehead, sir?

“Wala pa, kailangan i-appoint and siguro iyon ang susunod na babantayan pagkatapos itong pirmahan. We need to make sure na yung mga ma-aappoint sa Philippine Competition Commission ay mga taong may integridad, may kapasidad tsaka kaya talagang panindigan yung needs and desires of our consumers.”

Q: Sir, what happens to an industry, like Telco, for example? Paano palalawakin anng competition?

“We need to make sure that players can come in. Iyong pagpasok ng mga players depende yan sa regulation, sa rules, maybe even incentives, kung kinakailangan.

Looking at an industry and determining kung kulang iyong kumpetisyon will be the job of the commission. If they determine na kulang nga ang kumpetisyon, gagawa sila ng recommendations how to have that industry open up and allow more players to come in.”

Q: Sir, under the bill, bawal na yung mga no-players bibili ng big time kumpanya?

“May probisyon diyan about mergers. Kung ang merger ay makakabawas sa kumpetisyon sa merkado in a great way, in a substantial or unreasonable way, then pwedeng ipagbawal yung merger na iyon.”

Q: Sir, hindi po ba parang redundant na may trabaho na yung DTI tsaka SEC?

“Actually wala silang competion mandate. So the DTI is usually about consumer complaints, SEC naman is looking at the nature of your business. But specifically kumpetisyon, wala pa talagang body in the Philippines na naka-focus diyan.”

Q: Sir, saan papasok yung penalties sa mga cartel lang?

“Anti-competitive agreements, which kung cartel tayo we agree na itataas natin iyong presyo, hindi tayo maglalabas ng produkto. That’s prohibited and the abuses of dominant players.  Pag hindi mo pinapayagan iyong maliliit na pumasok, if you block them prior to entry, that can be fined also.”

On the Vice President’s Resignation

Q: Sir, yung resignation ni VP Binay do you think dapat sumunod narin yung ibang cabinet members na tatakbo?

“Iyong pag-resign nasasa iyo yan.  Hindi ko naman papangunahan iyong iba. In the case of Vice President Binay, I think its time has come for him to resign.

Kasi kung tutuusin naman he’s already been representing himself as the opposition, so palagay ko leading up to the elections next year, this is already something to be expected.”

On Sen. Grace Poe’s Plans

“You have to ask her kung ano ang magiging desisyon niya. As far as the party is concerned, we’re still undergoing the consultation period and trying to find out kung ano iyong mga best combination para sa ating bansa.

But right now, I think the choices of the party are all good choices, all people who want to continue the reforms and will be good for the country. Kung tungkol sa mga plano ni Grace, I think you should ask her.

The party owes it to the people to find the best and the brightest for the Filipino people.”

Q: Kahit outside the party?

“Yes, yes. We need to find the best and the brigthest for our people.

Mahalagang malaman natin kung  ano bang gagawin nila para sa ating bansa.  Lagi nating pinag-uusapan kung sino iyong okay, sino iyong hindi, sino iyong gusto nating iboto.

No one’s asking the question that hasn’t been asked. Hindi pa tinatanong: “Ano bang gagawin nila para sa ating bansa, ano bang plano nila?”  I mean whether it’s VP Binay, Sec. Roxas, or even si Sen. Poe.

No one’s been asking that question. Ako, tanggalin mo yung pagiging senador, bilang isang botante, iyon ang gusto kong malaman.

Ano bang gagawin nila para sa atin? What type of presidency will they provide for our people?”

On Sec. Mar Roxas

“Sec. Mar is the presumptive candidate of LP, pero palagay ko mahalaga rin na talagang tingnan, hanapin kung sino ba ang mga pinakamagagaling at pinakamabubuti.

Sino ba ang mga taong ito na kayang dalhin ang ating bansa to the next level? I think it’s just right that the party goes through this process. But I’m happy naman to say that na mga lumalabas na mga pangalan seem to all be the type who will really bring our country forward.”

On Anti-Discrimination

Q: Speaking of the laws, are you still willing on pursuing bills on anti-discrimination?

“We’ve been pushing for the anti-discrimination law. Matagal na naming tinutulak iyan. We’re hoping we can get more support for this bill.

This bill is not just on transgender, it actually includes religion, race, socio-economic standing, age – lahat ng mga posible maging dahilan kung bakit ka mag-didiscriminate sa iyong kababayan o sa mga ibang tao. 

We hope to make it outlawed at talagang prohibited na. Kasi sa palagay ko iyong kultura naman natin is one where we’re open, we’re tolerant, and we’re respectful of each other’s beliefs and each other’s lifestyle. 

Hopefully mapasa po natin ang batas na ito. Hindi ko siya napasa ngayong second year ko, maybe next year, with the support of the people we can have it passed.”