Bam Aquino Archives - Page 42 of 70 - The Official Website of Senator Bam Aquino #BAMsaSenado

BIDA KA!: Bida ang PWDs

Mga bida, isa sa mga isinulong natin noong 16th Congress ay ang kapakanan ng Persons with Disabilities (PWDs).

Tumayo tayo bilang co-author ng Republic Act 10754 o ang batas na nag-aalis ng VAT sa mga may kapansanan.

Maliban sa pag-alis ng VAT, binibigyan din ng batas ng insentibo sa buwis ang sinumang may kamag-anak na PWDs, hanggang sa tinatawag na fourth civil degree.

***

Ngayong 17th Congress, naitalaga man tayo bilang chairman ng Committee on Education at Science and Technology, patuloy pa rin ang ating hangaring bantayan ang kapakanan ng mga kapatid nating PWDs.

Sa huling ulat ng Philippine Statistics Authority, tinatayang nasa 1.5 milyon ang PWDs sa buong bansa.

Kamakailan, naghain tayo ng Senate Bill No. 1249 na layong amyendahan ang Republic Act 7277 o ang Magna Carta for Disabled Persons upang mabigyan ng dagdag na trabaho ang PWDs.

Kapag naisabatas ang panukalang ito, aatasan ang mga ahensiya ng pamahalaan na maglaan ng dalawang porsiyento ng kabuuan nilang empleyado para sa PWDs.

Aatasan naman ang mga pribadong kumpanya na kunin mula sa PWDs ang isang porsiyento ng kanilang mga empleyado.

Ang panukalang ito ay magbibigay sa ating PWDs ng kabuhayan, benepisyo at trabaho tulad ng iba pang kuwalipikadong empleyado at mas malaking papel sa lipunan.

Bukod pa rito, lalawak pa ang kaalaman ng publiko ukol sa karapatan ng PWDs.

***

Isinumite rin natin ang Senate Bill No. 356 na nagbibigay ng Philhealth coverage sa ating PWDs.

Binuo natin ang panukala upang mabigyan ng kaukulang serbisyong pangkalusugan ang lahat ng mga nangangailangan sa lipunan, lalo na ang PWDs.

Sa pagbibigay ng Philhealth coverage sa PWDs, naniniwala tayo na malapit nang matupad ang hangarin nating matugunan ang lahat ng pangangailangan ng mahihirap na Pilipino.

Sa panukala, aamyendahan ang Republic Act 7277 o ang “Magna Carta for Persons with Disability” upang maidagdag ang PWDs sa mga sakop ng Philhealth coverage.

***

May mga panukala rin tayo para sa mga kababayan nating may problema sa pandinig ang Senate Bill No. 966 at Senate Bill No. 967.

Sa Senate Bill No. 966 o Filipino Sign Language Act, isinusulong nating maideklara ang Filipino Sign Language (FSL) bilang pambansang sign language ng mga kababayan nating may diperensiya sa pandinig.

Kapag naisabatas, ang FSL ay magsisilbing opisyal na wikang gagamitin ng pamahalaan sa lahat ng transaksyon sa mga kababayan nating may diperensiya sa pandinig. Itatakda rin ng panukala na gamitin ang FSL sa mga paaralan, trabaho at sa broadcast media.

Ang FSL din ang gagamiting opisyal na wika para sa mga kapatid nating may suliranin sa pandinig sa lahat ng public hearing at iba pang transaksyon sa mga hukuman, quasi-judicial agencies at iba pang uri ng hukuman.

Nagbago man tayo ng komite, tuloy pa rin ang ating pagtatrabaho para maisulong ang kapakanan at karapatan ng mga kapatid nating PWDs.

Bam calls on local and int’l players to work with the DICT for better Internet

Sen. Bam calls on Internet companies here and abroad to work with the DICT to improve the quality of internet services in the Philippines.

“The success of our National Broadband Plan to improve Internet services lies in strong partnerships between government and the private sector,” said Sen. Bam after leading the Committee on Science and Technology’s hearing that looked into the initial details of the government’s national broadband plan Tuesday.

During the hearing, the Department of Information and Communications Technology (DICT) revealed initial details of its P75-billion national broadband plan, which is implementable in about 2 to 3 years.

The DICT stated that their preferred option is to invest in Internet infrastructure, like fiber optic cables, especially in underserved and hard-to-reach areas.

Under this option, the government will also use the existing infrastructure of current players while encouraging new entrants to develop new Internet infrastructure.

According to Sen. Bam, the DICT will come out with a final national broadband plan by the 2nd quarter of 2017.

“Kapag maayos ang pagkagawa ng plano at siguraduhin na maayos ang pag-implement nito, magkakaroon tayo ng sapat na imprastraktura para tumaas ang kalidad ng internet at bumaba pa ang presyo nito,” said Sen. Bam.

On top of the national broadband plan, Sen. Bam said the recently passed Philippine Competition Act will help create a climate that will attract foreign players to partner with Filipino companies, while the Free Internet Access in Public Spaces bill includes a provision to cut red tape for permits.

“The policies we’re working on will also create a more competitive environment and promote ease of doing business to make it easier for new players to come,” added Sen. Bam.

NEGOSYO, NOW NA!: 400th Negosyo Center

Mga kanegosyo, binuksan noong ika-22 ng Nobyembre ang Negosyo Center sa Marikina City.

Espesyal ang nasabing Negosyo Center dahil pang-400 na ito sa buong Pilipinas, dalawang taon mula nang maisabatas ang Republic Act No. 10644 o ang Go Negosyo Act.

Espesyal ang Go Negosyo Act dahil ito ang kauna-unahang batas ko bilang senador noong 16th Congress. Ito’y bahagi ng aking adbokasiya na tulungan ang micro, small and medium enterprises sa buong bansa.

***

Naipasa ang Go Negosyo Act noong kalagitnaan ng 2014. Nang matapos ang taong iyon, limang Negosyo Center ang ating naitatag, na karamihan ay pinopondohan pa ng pribadong organisasyon.

Nang maisama na sa pambansang budget ang pagtatayo ng Go Negosyo, nasa 144 ang nadagdag dito noong 2015 at mahigit 200 ngayong 2016.

Ngayon, regular item na ito sa budget ng Department of Trade and Industry (DTI) at sa mga susunod na taon ay matutupad na ang hangarin ng batas na maglagay ng Negosyo Center sa bawat munisipalidad, siyudad at lalawigan sa buong bansa.

***

Bunsod ng mabilis na pagdami ng Negosyo Center, marami ang nagtatanong kung ano ba ang sikreto ng tagumpay ng programang ito.

Isa lang ang sagot ko. Matagumpay ang Negosyo Centers dahil sa tuluy-tuloy at matibay na pagtutulungan sa pagitan ng lehislatura at ehekutibo kasama na ang pribadong sektor.

Dahil maayos ang batas, may pondong inilaan para rito ang lehislatura, batay na rin sa kahilingan ng ehekutibo.

Sa parte naman ng DTI, buong-buo ang kanilang pagtanggap sa Negosyo Center at ginawa nila itong isa sa kanilang prayoridad na programa.

Sa pamamagitan ng Negosyo Center, mayroon nang frontline service ang DTI na tutugon sa pangangailangan ng micro, small at medium entrepreneurs.

Sa tulong ng 400 Negosyo Centers, may pupuntahan nang sentro ang ating mga maliliit na negosyante para makahingi ng tulong, kahit saan pa sila sa bansa.

***

Maliban sa tulungan ng dalawang sangay ng pamahalaan, susi rin sa tagumpay ng Negosyo Centers ang pribadong sektor at non-government organizations na walang pagod na tumutulong sa ating MSMEs.

Masaya naman tayo sa ibinalita ng DTI na aakyat sa 420 ang bilang ng Negosyo Centers bago matapos ang 2016.

***

Nagpapasalamat din tayo sa suporta ni Marikina Mayor Marcy Teodoro sa pagtatayo ng Negosyo Center sa kanyang siyudad.

Ayon kay Mayor Marcy, malaki ang maitutulong ng Marikina Negosyo Center upang mapalakas pa ang industriya ng sapatos kung saan tanyag ang siyudad.

Maliban pa rito, sinabi ni Mayor Marcy na malaki rin ang magiging papel ng Negosyo Center sa mga estudyante ng entrepreneurship sa Pamantasan ng Marikina.

Bukas din ang Marikina Negosyo Center sa mga negosyante mula sa mga kalapit siyudad na nais humingi ng tulong upang mapalago pa ang kanilang ikabubuhay.

***

Upang malaman ang pinakamalapit na Negosyo Center sa inyong lugar, magtungo sa https://www.bamaquino.com/gonegosyoact/negosyo-center-tracker/.

Bam backs PNP’s efforts to clean ranks of scalawags

December 5, 2016
In Issues, Other Issues

Sen. Bam Aquino expressed support behind the efforts of the current Philippine National Philippine (PNP) leadership in cleaning its ranks from corrupt policemen, particularly those involved in illegal drugs.

“Napakahalaga talaga ng ating paglilinis sa ating hanay kasi kayo ang frontline at importanteng may tiwala ang tao sa ating frontliners. Kapag nakita ang PNP dapat alam nila mapagkakatiwalaan,” said Sen. Bam during the hearing of the Committee on Public Order and Dangerous Drugs joint with Justice and Human Rights on the killing of Albuera Mayor Rolando Espinosa Sr.

According to PNP chief Director General Ronald dela Rosa around 1-2 percent of policemen are involved in illegal activities, most especially in the proliferation of prohibited drugs and the campaign to clean the PNP of scalawags within its ranks is on-going

“Progressive ang pagpasok ng information kaya dahan-dahan din ang pagpasok ng information,” said dela Rosa.

Sen. Bam also assured the PNP chief that the Senate will help the PNP’s efforts to get rid of bad eggs in the organization through legislation.

“Ano ang kailangan niyo mula sa Senado upang malinis niyo ang mga ranggo,” asked Sen. Bam.

Dela Rosa urged the Senate to restore the PNP’s control over training institutions of policemen.

“Nakikita ko very crucial iyong development ng pagpasok ng pulis lalo na sa kanyang moral foundation,” said dela Rosa.

“Kami lang ang police organization sa buong mundo na iyong police, hindi PNP naghahawak ng training. Paano namin ma-inculcate ang values at discipline na gusto naming mangyari,” he added.

Dela Rosa also wants the authority to appoint chief of police or provincial director be given to the PNP, eliminate the use of prepaid cellphones and implementation of national ID system.

“Dapat postpaid na lahat para registered kung sino iyong gumagamit ng cellphone dahil iyan ginagamit sa krimen,” said dela Rosa, making it easier for police to identify and arrest criminals.

BIDA KA!: Itigil na ang ‘no permit, no exam’ policy

Mga bida, isa sa madalas ireklamo ng mga magulang at estudyante ay ang tinatawag na “no permit, no exam” policy na ipinatutupad ng ilang paaralan.

Sa ganitong sistema, pinagbabawalan ng paaralan ang isang estudyante na kumuha ng pagsusulit kung walang permit dahil hindi bayad sa tuition fee o iba pang bayarin.

Isa sa mga estudyanteng nakaranas nito ay lumapit sa ating tanggapan upang iparating ang kanyang hinaing.

Ayon sa estudyante, nakahanda na ang pambayad niya sa tuition ngunit nagkaroon ng biglang emergency ang kanyang pamilya at nagamit ang pera.

Sa kabila ng pangakong babayaran ang tuition sa takdang panahon, hindi pa rin pinakuha ng pagsusulit ang estudyante bunsod ng kawalan ng permit.

Resulta, na-delay ang computation ng grade ng estudyante. Nakumpleto lang ito nang makapag-special exam siya matapos bayaran ang utang.

***

Matutuldukan na ang ganitong patakaran kapag naisabatas ang inihain kong Senate Bill No. 1235, na layong gawing iligal para sa anumang eskuwelahan na pigilan ang estudyante na makapag-exam dahil sa hindi nabayarang tuition fee at iba pang bayarin.

Ang aking paniwala, bakit kailangang pigilan ang isang estudyante na makakuha ng exam dahil sa utang kung posibleng bayaran ito ng kanyang pamilya sa malapit na hinaharap.

Kapag naisabatas ito, hindi na maaaring pagbawalan ng mga paaralan na makakuha ng pagsusulit ang mga estudyanteng hindi bayad ang tuition at iba pang bayarin o bigyan sila ng hiwalay na schedule ng exam na iba sa kabuuan ng mga estudyante.

Sa panukala, hindi na rin puwedeng obligahin ng paaralan ang isang estudyante na kumuha ng special permit para makakuha ng exam mula sa mga opisyal ng eskuwelahan bago ang pagsusulit.

Sakop ng panukala ang pribadong elementary schools, pribadong high schools, public at private post-secondary technical-vocational institutes at pampubliko at pribadong Higher Education Institutions (HEIs), kabilang ang local colleges at universities.

***

Pagmumultahin ng P20,000 hanggang P50,000 ang opisyal o empleyado ng paaralan na lalabag sa kautusan.

Saklaw nito ang deans, coordinators, advisers, professors, instructors, principals, teachers at iba pang indibidwal na mapatutunayang lumabag dito.

Bilang proteksiyon sa mga paaralan, kailangang magbigay ang magulang o legal guardian ng estudyante ng promissory note, na naka-address sa paaralan, kung saan nakasaad ang halaga at petsa ng bayad.

***

Mahalagang matiyak natin na hindi maaantala at maaapektuhan ng anumang utang ang pag-aaral ng estudyante.

Naniniwala tayo na sa tulong ng edukasyon, mas malaki ang pagkakataon ng mga Pilipino na umasenso.

Mangyayari lang ito kung protektado ang kapakanan ng ating mga estudyante para tulungan silang makatapos sa pag-aaral.

Senate Bill No. 1249: Amending R.A. No. 7277 or Magna Carta for Disabled Persons

This bill seeks to guarantee the inclusion of persons with disabilities (PWDs) in the workforce and provide commensurate compensation, benefits, and employment term s for PWDs as any other qualified employees. Through this legislation, government offices will be mandated to ensure that 2% o f their employees comprise of PWDs whereas private organizations will be required to employ a workforce, at least 1% of which is made up o f PWDs.

As we forge onward in building the nation better and stronger, we must take the necessary steps to ensure that we are building an inclusive society where no sector is left behind from the gains of development.

This bill will allow persons with disabilities more meaningful and productive participation in society. Furthermore, an increased PWD presence in all workforces aims to heighten public awareness and consideration for the rights o f PWDs.

DOWNLOAD SBN 124

NEGOSYO, NOW NA!: Tagumpay sa FabLab ng Bohol Negosyo Centers

Mga kanegosyo, binuksan sa kalagitnaan ng 2015 ang dalawang Negosyo Center sa lalawigan ng Bohol.

Ang isang Negosyo Center, na pinatatakbo ng Department of Trade and Industry (DTI), ay makikita sa ikalawang palapag ng FCB Main Branch Bldg., CPG Avenue sa Tagbilaran City.

Ang ikalawa naman ay nakaposisyon sa kapitolyo ng lalawigan na matatagpuan din sa Tagbilaran City.

Sa huling ulat ng DTI, halos 4,000 na ang natulungan ng dalawang Negosyo Center sa pamamagitan ng seminar, konsultasyon, marketing, product development, pautang at marami pang iba.

Ang dalawang Negosyo Center ay nakakonekta sa kauna-unahang digital fabrication laboratory o FabLab sa Pilipinas na makikita sa Bohol Island State University (BISU).

Ang FabLab ay nakatutulong sa entrepreneurs na maidisenyo ang kanilang mga ideya sa negosyo, tulad ng produkto, gamit ang makabagong fabrication machines, tulad ng 3D printer, laser cutter, printer at cutter.

Ang FabLab ay nakatulong na sa maraming entrepreneurs na lumapit sa ating mga Negosyo Center sa Bohol.

***

Una na rito ang Children’s Joy Foundation ni Aling Evelyn Vizcarra, na lumapit sa Negosyo Center upang humingi ng tulong sa pagpapaganda ng packaging at labeling ng kanyang produktong pagkain.

Isa sa mga payo na ibinigay ng Negosyo Center kay Aling Evelyn Vizcarra ay pagdalo sa Food Packaging and Labeling seminar.

Sa seminar, pinayuhan din si Aling Evelyn na magtungo sa FabLab. Agad namang inasikaso ng mga lokal na designer ang bagong disenyo ng balot at label ng mga produkto ni Aling Evelyn.

Ngayon, agaw-pansin na ang mga produktong ibinebenta ni Aling Evelyn sa mga lokal na tindahan dahil sa magandang disenyo ng FabLab.

***

Isa rin sa mga natulungan ng FabLab ay Candabon RIC Multi-Purpose Cooperative.

Lumapit ang kooperatiba sa Negosyo Center upang humanap ng solusyon sa produksiyon ng kendi.

Problemado ang kooperatiba dahil ang plastic na molde ay dumidikit sa kendi. May pagkakataon din na nagkakaroon ng crack ang molde at ang maliliit na piraso nito ay sumasama sa sangkap ng kendi.

Sa tulong ng FabLab, nakagawa sila ng moldeng gawa sa silicon na nagpabilis sa kanilang produksiyon mula 500 piraso patungong 1,000 kendi kada-araw.

Maliban pa rito, naiwasan ang aksaya sa sangkap at gumanda pa ang hugis ng kanilang kendi.

***

Mga kanegosyo, ang Republic Act 10644 o ang Go Negosyo Act ay ang una nating batas noong 16th Congress.

Itinatakda ng Go Negosyo Act ang paglalagay ng Negosyo Center sa lalawigan, siyudad at munisipalidad sa buong bansa na siyang tutulong sa micro, small at medium enterprises (MSME).

Sa huling bilang ay 400 na ang Negosyo Centers sa buong bansa na handang tumulong sa ating micro, small at medium enterprises.

Upang malaman ang pinakamalapit na Negosyo Center sa inyong lugar, magtungo sa https://www.bamaquino.com/gonegosyoact/negosyo-center-tracker/.

Bam eyes more jobs for PWDs in govt agencies, private firms

More jobs await persons with disabilities (PWDs) in government offices and private entities if the bill submitted by Sen. Bam Aquino will be enacted into law.

Sen. Bam’s Senate Bill No. 1249 seeks to amend Republic Act 7277 or the Magna Carta for Disabled Persons to mandate government agencies to ensure that two percent of their employees comprise of PWDs.

Private organizations, for their part, will be required to employ 1 percent of their workforce from PWDs.

“This bill seeks to guarantee the inclusion of PWDs in the workforce and provide commensurate compensation, benefits and employment terms for PWDs as any other qualified employee,” Sen. Bam said.

“Let’s give our PWDs more opportunities to generate livelihood,” he added.

If passed into law, Sen. Bam believes the measure will give PWDs a more meaningful and productive role in society.

“Furthermore, an increased PWD presence in the workforce aims to heighten public awareness and consideration for their rights,” Sen. Bam said.

In the 16th Congress, Sen. Bam tirelessly worked for the welfare of PWDs, with the passage of Republic Act 10754 that exempts them from paying the value added tax (VAT).

The law also gives tax incentives to persons with PWD dependents, up to fourth civil degree of consanguinity or affinity.

BIDA KA!: Maging mapagbantay

Mga bida, magsisinungaling ako kung sasabihin kong hindi ako nabigla at naapektuhan sa ginawang paglibing kay dating Pangulo Ferdinand Marcos sa Libingan ng mga Bayani (LNMB) noong Biyernes.

Parang nadaganan ng ilang sako ng semento ang aking dibdib nang mabalitaan kong patagong inilibing ang diktador sa lugar na inilaan para lang sa mga bayani at mga sundalong tapat na nanilbihan at nagbuwis ng buhay para sa bayan.

Sa Pilipinas lang po may ganitong nangyari — na ang isang diktador na nasa likod ng pagkamatay, pagkawala at pagnanakaw ng bilyun-bilyong piso sa bayan ay itinuring pang bayani.

Sa Germany, nagpasa sila ng batas para ibaon na sa limot ang alaala ng madugo at malupit na panunungkulan ni Adolf Hitler. Ang kanyang libingan ay parking lot na lang sa Berlin.

Hindi naman pinayagang mailibing sa kanilang bansa ang diktador ng Uganda na si Idi Amin at Slobodan Milosevic ng Serbia.

Ganito kung ituring ng ibang bansa ang mga taong nang-api sa kanila.

Pero sa atin, hindi pa nga malinaw kung paano itinuturo ang Martial Law sa mga paaralan.

Ang matindi pa nito, binigyan ng parangal at itinabi pa sa mga totoong bayani ang mga labi ng dating Pangulo na siyang nasa likod ng pinakamadilim na bahagi ng kasaysayan ng bansa.

***

Nakadagdag pa sa sakit ang panakaw na paglilibing sa dating diktador. Nagulat ang buong bansa nang marinig sa mga balita na dadalhin na ang mga labi ni Marcos sa Libingan ng mga Bayani.

Marami ang nagsabi na hanggang sa huli, niloko pa rin ni Marcos ang taumbayan sa patago at panakaw na paglilibing sa kanya.

Dobleng sakit ang inabot ng mga biktima ng Martial Law sa nangyaring ito. Sa pangyayaring ito, muling nabuksan ang mga sugat at mistulang nilagyan pa ng asin.

Sa pagpayag ng pamahalaan na ilibing si Marcos sa Libingan ng mga Bayani, parang niyurakan na ang alaala ng mga namatay, nawala at mga pinahirapan noong panahon ng Martial Law.

Sila ang mga lumaban sa diktadurya upang matamasa natin ang kalayaan at demokrasya na ating nararanasan ngayon. Ngunit lahat ng kanilang sakripisyo ay nauwi lang sa wala sa nangyaring ito.

Sa halip na itakwil ang katiwalian at itigil ang tinatawag na cronyism, inilibing pa natin ang mismong simbolo nito sa Libingan ng mga Bayani.

***

Parati kong naririnig na ang Martial Law daw ay laban ng pamilyang Aquino at Marcos pero ito’y malayo sa katotohanan.

Sa isang rally sa People Power Monument pagkatapos ng libing ni Marcos, karamihan sa mga dumalo, hindi ko kakilala at lalong hindi namin kamag-anak o kaya’y kaibigan.

Ang totoo, marami pa nga sa mga dumalo ay mga kritiko rin ni dating Pangulong Aquino.

Kaya maling-mali na sabihin na ito’y tungkol lang sa dalawang pamilya.

Ang laban na ito ay tungkol sa ating bayan, tungkol po sa ating kasaysayan at tungkol po sa ating hinaharap.

***

Sa pangyayaring ito, dapat na tayong magising at maging mapagbantay dahil hindi na normal ang nangyayaring ito sa ating panahon.

Kaya sa atin pong nagmamahal sa demokrasya, kailangan lagi tayong gising at mapagmatyag sa anumang nagaganap sa ating bansa.

Bam Aquino