bill by bam aquino

BIDA KA!: Mabungang walong buwan

Mga bida, dalawang mahala­gang panukalang batas na dumaan sa ating komite ang nakapasa sa ikatlo at huling pagbasa ng Senado sa unang walong buwan ng 17th Congress.

Noong Lunes, sabay na ina­prubahan ng Senado sa parehong boto na 18-0 ang “Affordable Higher Education for All Act” na nagbibigay ng libreng tuition sa state colleges at universities (SUCs), at ang Free Internet Access in Public Places Act.

Ang inyong lingkod ang tumayong principal sponsor at co-author ng Senate Bill No. 1304 at Senate Bill No. 1277, na parehong itinuturing na prayoridad na panukala ng administrasyon.

Ang Senate Bill No. 1277 naman ang unang panukalang naipasa ng Senado ngayong 17th Congress mula sa Committee on Science and Technology, na akin ding pinamumunuan.

Masaya tayo’t mabunga ang ating panahon sa mayorya at nakapagpasa tayo ng dalawang malaking panukala bago natin tuluyang yakapin ang papel bilang minorya sa Senado.

***

Nagpapasalamat tayo sa mga indibidwal at mga grupo na nagsama-sama upang suportahan ang  panukalang nagbibigay ng libreng tuition fees sa SUCs at scholarship sa pribadong kolehiyo.

Ang kredito sa pagpasa ng batas sa Senado ay hindi lang para sa iisang tao o iisang tanggapan. Ito’y sama-samang pagsisikap ng mga senador, mga indibidwal at mga organisasyon na kasama natin sa layuning ito.

Una nating nais pasalamatan sina Senator Recto na matagal nang isinusulong ang adbokasiyang ito at Senate President Koko Pimentel sa pagbibigay prayoridad sa panukalang ito.
Malaki rin ang kanyang papel upang mapalakas pa ang pinal na bersiyon ng panukala ng Senado, kasama na ang mga amyenda nina Sens. Richard Gordon, Panfilo Lacson at Risa Hontiveros.

Nais rin nating pasalamatan ang mga kapwa ko may-akda na sina Senador Joel Villanueva, JV Ejercito, Sherwin Gatchalian, Francis Pangilinan, Sonny Angara, Loren Legarda, Leila de Lima, Cynthia Villar at Juan Miguel Zubiri.

 

Isang espesyal na pasasalamat din ang nais kong ipaabot kay Sen. Chiz Escudero sa kanyang pagpayag na ipagpatuloy natin ang pagsusulong ng Senate Bill No. 1304 hanggang sa huli kahit inalis tayo bilang chairman ng Committee on Education.

***

Malaki rin ang naitulong nina Commission on Higher Education (CHED) chairperson Patricia Licuanan, commissioners Minella Alarcon, Alex Brillantes, Prospero de Vera at Ronald Adamat sa pagbuo ng panukala sa kabila ng minsa’y ‘di pagkakaunaawan.

Nagpapasalamat din tayo kay Nikki Tenazas at sa mga kaibigan natin sa Unifast, PIDS, COCOPEA, PAPSCU at PBED sa kanilang tulong sa pagtalakay sa iba’t ibang probisyon ng panukala.

Salamat din kay Dr. Ricardo Rotoras ng Philippine Association of State Universities and Colleges (PASUC) sa pagbibigay niya ng mahalagang pananaw mula sa SUCs. Bilang panghuli, nais kong pasalamatan ang ating mga estudyante na ating inspirasyon sa pagsusulong ng panukalang ito.

Batid natin kung gaano kahirap ang kanilang pinagdadaanan at kinalalagyan at alam natin na kailangang-kailangan nila ang batas na ito.

 Ang pagpasa ng panukalang ito ay isang malinaw na mensahe sa bawat Pilipino na prayoridad ng Senado ang edukasyon at nais natin itong palakasin para sa kasalukuyan at susunod pang henerasyon.

Ang pagbuhos ng pondo sa edukasyon ay pinakamalaking puhunan na maaaring gawin ng pamahalaan dahil ito’y para sa kinabukasan ng kabataan na itinutu­ring nating pag-asa ng bayan.

Bam: Education is one of Senate’s utmost priorities

The passage of the Affordable Higher Education for All Act via 18-0 vote is a clear message to Filipinos that education is an utmost priority in the Senate, Sen. Bam Aquino emphasized.

“The Senate sent a strong signal to the Filipino people with an 18-0 vote for the passage of the Affordable Higher Education for All Act,” Sen. Bam said in his endorsement speech for the appointment of Education Secretary Leonor Magtolis Briones.

“Our priority is education. We are investing in educating our countrymen and arming them with the knowledge and skills to build a better future for their family,” Sen. Bam told members of the Commission on Appointments.

In his earlier manifestation after the measure’s approval, Sen. Bam stressed that the Affordable Higher Education for All Act is the best investment that the country can undertake for the future of the students and the next generation.

Sen. Bam also thanked students, saying their everyday plight inspired lawmakers to pass the measure, which will provide free tuition fee in state colleges and universities and strengthen the government’s scholarship programs in private higher educational institutions.

 “Alam natin ang pinagdadaanan ng mga estudyante, kung gaano kahirap ang kinalalagyan at kung gaano nila kailangan ang batas na ito,” said Sen. Bam, who acted as principal sponsor and co-author of Senate Bill No. 1304.

The senator defended the measure during interpellation before he was removed as chairman of the Committee on Education and replaced by Sen. Chiz Escudero.

During his manifestation, Sen. Bam thanked Sen. Escudero for allowing him to finish work on the measure until its passage.

 The senator also lauded the Senate’s concerted effort, thanking fellow senators who helped develop and strengthen the measure during interpellation and period of amendments.

 “Nothing that passes through the Senate can be attributed to one person alone, one office alone which is why this team effort from across the aisle must be recognized,” said Sen. Bam.

 Sen. Bam also acknowledged concerned government agencies and private stakeholders for their contribution in tackling the different provisions of the measure.

BIDA KA!: Tuluy-tuloy pa rin ang serbisyo!

ga Bida, naging madrama ang pagbubukas ng sesyon noong Lunes nang hubaran ang ilang miyembro ng Liberal Party ng mahahalagang posisyon sa Senado.

Tinanggal si Sen. Franklin Drilon bilang Senate President Pro Tempore at pinalitan ni Sen. Ralph Recto.

Ang inyong lingkod naman ay pinalitan ni Sen. Chiz Escudero bilang chairman ng Committee on Education.

Inalis naman sina Sens. Francis Pangilinan at Risa Hontiveros bilang pinuno ng Committee on Agriculture at Health at pinalitan nina Sens. Cynthia Villar at JV Ejercito, ayon sa pagkakasunod.

Ang pagkilos na ito ay nangyari dalawang araw matapos kaming magmartsa sa EDSA at sumali sa pagdiriwang ng ika-31 anibersaryo ng People Power 1 noong Sabado.

***

Sa pangyayaring ito, nasampolan ang mga miyembro ng LP dahil sa aming pagtutol sa ilang polisiya na isinusulong ng pamahalaan, tulad ng death penalty at pagbaba ng age of criminal liability.

Tinamaan din ang partido sa aming pagsasalita ukol karahasan na nangyayari sa ating mga lansangan, isyu ng demokrasya­ at aming pagsuporta kay Senadora Leila De Lima.

Kung ito ang kapalit ng aking pagsasalita tungkol sa ­demokrasya at kalayaan at pagtutol sa karahasang pumapaligid sa ating mga komunidad, malugod ko itong tatanggapin.

***

 

Kung titingnan, maganda ang naging trabaho ng Committee on Education ngayong 17th Congress.

Katunayan, tinatalakay na sa plenaryo ang dalawa sa pinakamahalagang panukala na tinututukan ng komite sa ngayon  ang Free Tuition Fees in SUCs Act at Pagkaing Pinoy Para sa Batang Pinoy.

Wala ring tumutol na senador sa aking pahayag sa sesyon na ang pag-alis sa inyong lingkod ay hindi ukol sa aking trabaho bilang committee chairman.

Tumayo rin si Senadora Grace Poe upang batiin ang maganda nating trabaho bilang pinuno ng education ­committee.

Sa kabila ng nangyari, mananatili pa rin ang ating suporta sa ilang mahahalagang panukala at reporma na ating sinimulan bilang chairman ng Committee on Education.

Nagpapasalamat naman tayo dahil gusto rin ni Sen. Escudero na ipursige ang mga ito, lalo na ang libreng tuition fee sa state colleges at universities at feeding program sa ating mga paaralan.

***

Nagbago man ang ating kalagayan, patuloy pa rin ang ating paglilingkod at pagbabantay sa kapakanan ng taumbayan.

Hindi pa rin mababago ang ating posisyon sa mahahala­gang isyu. Tuloy pa rin ang pagtutol natin sa death penalty at pagpapababa sa edad ng criminal liability.

Nang kami’y sumali sa supermajority noon, isa sa aming mga isinulong ay ang pagiging malaya ng Senado sa pamumulitika at ang kahandaan na isantabi ang partido para sa mahahalagang reporma.

Ngayong wala na kami sa mayorya, umaasa kaming mananatili ang imahe ng Senado bilang institusyon na malaya, hindi nababahiran ng pamumulitika at may sariling pagpapasya sa importanteng isyu ng bansa.

Bam: Education for youth is the best investment

Education for the youth is the best investment our government can make.

Sen. Bam Aquino issued the pronouncement after several government agencies opposed the measure that seeks to provide free tuition fee in all SUCs. 

The senator affirmed the government’s commitment to provide free tuition in state colleges and universities, saying “If we have the money, why not invest in the future of our youth?”

 “The Senate has chosen this as one of its main priority measures in the 17th Congress,” said Sen. Bam, chairman of the Committee on Education.

 “Too many students fail to graduate college because of financial problems. Suportahan natin ang mga estudyante na makapagtapos. Let’s give them a chance at a better life through education,” added Sen. Bam.

 “If we’re willing to spend over P15 billion to host the ASEAN anniversary this year, why shouldn’t we spend roughly the same amount to make tuition free for our students in SUCs?” the senator pointed out.

 Sen. Bam is the principal sponsor of Senate Bill No. 1304 or the “Free Higher Education for All Act”, which is currently being tackled in the plenary.

 Sen. Bam’s Senate Bill No. 177 was consolidated in Senate Bill No. 1304 together with other similar measures, which seek to provide free tuition fee to all students in SUCs.

 Aside from the Pagkaing Pinoy Bill, the Free Higher Education for All has received the most support in the 17th Congress.

 Along with Sen. Bam Aquino, other authors of the measure are Sens. Ralph Recto, Joel Villanueva, Sherwin Gatchalian, Francis Pangilinan, Sonny Angara, Loren Legarda, Leila de Lima, Cynthia Villar, Juan Miguel Zubiri and Richard Gordon.

 Sens. Recto, Ejercito, Angara, Legarda, Villanueva, Gatchalian and Zubiri co-sponsored the measure.

 Providing free tuition fee in SUCs is only one of many reforms Sen. Bam is pushing in the field of education.

Bam: ‘Pagkaing Pinoy para sa Batang Pinoy’ to help combat hunger

Once passed into law, the Pagkaing Pinoy para sa Batang Pinoy measure will help address the problem of hunger in the country, according to Sen. Bam Aquino.

 Latest Social Weather Stations (SWS) survey indicated that an estimated 3.1 million Filipino families or 13.9 percent experienced involuntary hunger at least once during the 4th quarter of 2016.

 The result was slightly higher than the 11.7 percent or 2.6 million in December 2015.

 “Malaki ang maitutulong ng panukalang ito upang mabawasan ang insidente ng kagutuman sa hanay ng ating mga kabataan sa bansa kapag ito’y naisabatas,” said Sen. Bam, principal sponsor and co-author of Senate Bill No. 1279, which is currently being tackled by the plenary.

 Sen. Bam’s Senate Bill No. 694 was consolidated in Senate Bill No. 1279 together with Senate Bill Nos. 23, 123, 160 and 548.

 “Sa lakas ng suportang nakuha ng panukalang ito, inaasahan natin na ito’y maisasabatas sa lalong madaling panahon upang agad na makatulong sa pagtugon sa problema ng kagutuman,” said Sen. Bam, chairman of the Committee on Education.

The measure will mandate the Department of Education to ensure that students from Kindergarten to Grade 6 are provided with proper and nutritious meals.

“Through this policy, school children in the kindergarten and elementary levels will enjoy free regular access to nutritious food with the DepEd ensuring that students from kindergarten to grade 6 are provided with proper meals,” Sen. Bam said.

Under the proposed measure, the feeding program will source produce from local farmers and fishermen to provide them with regular income and livelihood.

“Sa Pagkaing Pinoy para sa Batang Pinoy Act, lalaki nang malakas, matalino at malusog ang kabataang Pilipino habang umaasenso ang buhay ng ating mga magsasaka at mangingisda,” said Sen. Bam.

Based on 2012 data from the Food and Agriculture Organization (FAO), 16 million Filipino children are considered undernourished.

 Studies also show that the average age of the 11 million Filipino farmers and fishermen is 57 years old while the average annual income of a farmer is only about P20,000.

The bill also pushes for the “Gulayan sa Paaralan” program to promote gardening in schools and households to help augment the food needs of the program and instill a sense of appreciation for food production within the community.

BIDA KA!: Positibo tayo ngayong 2017 By Bam Aquino

Mga bida, bago ang lahat, nais ko kayong batiin ng isang Manigong Bagong Taon. Sana’y maging maligaya, malusog at masagana tayong lahat sa susunod na labindalawang buwan.

Kung ang iba’y may New Year’s Resolution tuwing nagpapalit ng taon, tayo nama’y may listahan ng mga nais nating gawin para sa ikabubuti ng buhay ng taumbayan ngayong 2017.

Sa gitna ng mga negatibong pangyayari sa bansa at pagkalat ng paninira at mga pekeng balita sa social media, nangako ako na mas magiging positibo ang pananaw ngayong taon.

Imbis na bigyang pansin at pagbuhusan ng pagod at oras ang mga masasamang balita, mas mabuti na ituon na lang ang atensiyon sa paglilingkod sa bayan.

Ngayong 2017, magiging abala ang Senado sa pagtalakay sa mahahalagang panukala, tulad ng pagbabago sa Saligang Batas at death penalty.

Nais ng kasalukuyang administrasyon na magpasok ng amyenda sa 1987 Constitution upang mabago ang sistema ng pamahalaan mula democratic patungong pederalismo.

Tututukan din ng Senado ang pagbusisi sa panukalang ibalik ang death penalty sa bansa.

Lubhang napakabigat nito kaya mahalagang paglaanan ito ng sapat na oras upang mahimay ang mga positibo at negatibong aspeto ng dalawang nabanggit na panukala.

Bilang chairman ng Senate Committee on Education, sisikapin nating makumpleto ang mga reporma sa edukasyon na ating inilatag noong nakaraang taon.

Pag-aaralan din natin ang iba pang mahalagang panukalang may kinalaman sa agham at teknolohiya bilang chairman ng Committee on Science and Technology.

 

***

Una sa listahan ng mga prayoridad natin ay ang panukalang libreng tuition fee sa state colleges at universities (SUCs).

Ngayong taon, nakalaan na sa pambansang pondo ang P8.3 billion para sa libreng tuition fees sa SUCs.

Ngunit layunin ng mga panukalang pinag-aaralan ng ating kumite ay maisabatas na ito upang regular nang makasama sa pambansang budget taun-taon.

Tinitingnan din ng kumite kung paano matutulungan ang ating mga estudyante sa SUCs pagdating sa iba pang gastusin sa pag-aaral, tulad ng miscellaneous fees at iba pang pabigat na bayarin.

Isa pang panukala na ating tututukan ay ang Pagkaing Pinoy Para sa Batang Pinoy Act, na makakatulong tugunan ang kagutuman sa mga estudyante sa pampublikong paaralan at bigyan ng dagdag na kabuhayan ang mga magsasaka’t mangingisda.

Kapag naisabatas, magsasagawa ng epektibong feeding program para sa mga estudyante sa tinatawag na basic education at ang produktong gagamitin dito ay kukunin mula sa lokal na magsasaka at mangingisda upang mabigyan sila ng dagdag na kita.

Maliban dito, nakatakda nang pag-usapan sa plenaryo ang Senate Bill No. 1277 o ang “Free Internet Access in Public Places Act” na layong lagyan ng libreng koneksiyon sa internet ang iba’t ibang pampublikong lugar.

Kabilang dito ang lahat ng national at local government offices, public schools, public transport terminals, public hospitals at public libraries.

Bilang chairman ng Committee on Science and Technology, pina­ngunahan po natin ang pagdinig ng mga nasabing panukala at pagbalangkas sa bersiyon nito na isinumite kamakailan sa plenaryo.

Isusulong din natin ang Abot Alam Bill, na magpapatibay sa alternative learning system upang mabigyan ng pagkakataon ang out-of-school youth (OSY) sa bansa na makapag-aral.

Kahit hindi na natin hawak ang committee on trade, commerce and entrepreneurship, tuloy pa rin ang ating pagtulong sa sektor ng micro, small and medium enterprises sa pamamagitan ng pagsusulong ng Startup Bill.

Mga bida, ito’y ilan lang sa ating mga gaga­wing pagkilos bilang bahagi ng ating layuning pa­lakasin ang edukasyon at pagnenegosyo sa bansa.

BIDA KA!: Libreng internet sa pampublikong lugar

Mga bida, bukod sa Pagkaing Pinoy Para sa Batang Pinoy Act at Trabaho Centers in Schools Act, tumayo rin tayo bilang sponsor ng Senate Bill No. 1277 o ang “Free Internet Access in Public Places Act” bago natapos ang sesyon ng Senado kamakailan.

Ang Senate Bill No. 1277 pinagsama-samang bersiyon ng iba’t ibang panukala, kabilang na ang ating Senate Bill No. 1050, na layong lagyan ng koneksiyon ng internet ang lahat ng pampublikong paaralan upang makatulong sa pag-aaral ng mga estudyante.

Layunin po ng panukalang ito na lagyan ng libreng koneksiyon sa internet ang lahat ng national at local government ­offices, public schools, public transport terminals, public ­hospitals at public libraries.

Bilang chairman ng Committee on Science and Techno­logy, pinangunahan po natin ang pagdinig ng mga nasabing panukala at pagbalangkas sa bersiyon nito na isinumite kamakailan sa plenaryo.

***

Sa mga paunang pagdinig, nabatid na nasa 52.6 percent lang ng mga Pilipino ang may access sa internet service. Napakalayo nito kumpara sa Singapore, na may 81.3 percent at sa Malaysia na may 68 percent.

Hindi katanggap-tanggap ang ganitong sitwasyon dahil napakahalaga ng internet sa buhay ng mga Pilipino.

Maraming umaasa sa internet sa pag-aaral, sa trabaho at sa pakikipag-usap sa mga mahal sa buhay, maging dito man sa Pilipinas o sa ibang bansa.

Mahalaga ang internet sa mga anak para makausap ang kanilang mga ama na nasa ibang bansa para humingi ng payo.

Importante ang internet sa mga call center agent dahil ito ang nag-uugnay sa kanila at kanilang mga kausap sa ibang bansa.

 

Para sa freelancers, ito’y kailangan para makausap ng maayos ang kliyente at mapadala ang hinihinging trabaho.

Para sa negosyanteng Pinoy, ito’y nagagamit sa pagbe­benta ng gamit o paghahanap ng mga bagong supplier.

Para sa maraming walang trabaho, malaking tulong ang ­internet upang sila’y makakita ng trabaho online.

Para sa mga guro at para sa mag-aaral, ang internet ang pinanggagalingan ng research, ng learning materials, at mga bagong modules.

Kaya mahalagang maisabatas ang libreng internet sa mga pampublikong lugar upang mabigyan ang mas maraming ­Pilipino ng access sa internet. Sa ilalim ng panukalang ito, aatasan ang Department of Information and Communications Techno­logy (DICT) na pangasiwaan at palawigin ang plano para sa nasabing programa.

Bibigyan din ng panu­kala ng kapangyarihan ang DICT para mapabilis ang proseso para sa aplikasyon ng permits at certificates para sa pagtatayo ng kailangang imprastruktura at kagami­tan, sa tulong ng iba’t ibang ahensiya ng pamahalaan at local government units.

Sa paglalagay ng mabilis at de-kalidad na inter­net sa mga pampublikong lugar, mabubuksan ang mas maraming posibilidad para sa pagpapaganda ng ating buhay at pagpapalakas ng relasyon ng pamilya at ­komunidad.

Sa suportang nakuha ng panukala mula sa mga kapwa ko senador, tiwala akong maisasabatas ang panukalang ito sa lalong madaling panahon.

BIDA KA!: Feeding program at Trabaho Centers

Mga bida, bago matapos ang sesyon ng Senado, nag-sponsor tayo ng tatlong panukalang batas sa plenaryo bilang chairman ng Committee on Education at Committee on Science and Technology.

Ang dalawang panukalang batas mula sa Committee on Education ay ang Senate Bill No. 1279 o ang Pagkaing Pinoy Para sa Batang Pinoy Act at ang Senate Bill No. 1278 o Trabaho Centers in Schools Act.

Mula naman sa Committee on Science and Technology katuwang ang Committee on Education ay ang Senate Bill No. 1277 o ang Free Internet Access in Public Places.

Natutuwa naman tayo na marami sa ating mga kapwa senador ang tumayo at nagpahayag ng suporta para sa pagsasabatas ng mga panukalang ito.

Tinawag ko nga ang pangyayaring ito bilang “Christmas miracle” sa isa sa aking manifestation sa plenaryo.

Magkakaiba man ng pananaw ang mga senador sa ilang isyu ngunit handa kaming isantabi ang lahat upang magkaisa at isulong ang anumang panukalang batas para sa kapaka­ nan ng taumbayan.

***

Ang unang panukala na aking inisponsoran ay ang Pagkaing Pinoy Para sa Batang Pinoy Act na layong tugunan ang kagutuman sa mga estudyante sa pampublikong paaralan at bigyan ng dagdag na kabuhayan ang mga magsasaka’t ma­ngingisda.

Sa panukala, magsasagawa ng epektibong feeding program para sa mga estudyante sa tinatawag na basic education na magagawa sa tulong ng lokal na gulayan, magsasaka, ma­ngingisda at ng komunidad.

Kapag naisabatas, aatasan ang Department of Education (DepEd) na tiyaking mabibigyan ng tamang pagkain ang mga estudyante mula Kindergarten hanggang Grade 6.

 

Sa panukala, kukunin ang iilang produktong gagamitin sa feeding program mula sa mga lokal na magsasaka at mangi­ngisda upang mabigyan sila ng dagdag na kita.

Isinusulong din ng panukalang ito ang “Gulayan sa Paaralan” program upang maitaguyod ang gardening sa paaralan at sa mga bahay, na tutulong para matugunan ang pangangaila­ngan ng feeding program.

Dahil ito’y bahagi ng kanyang adbokasiya, tumayo namang co-sponsor ng panukala si Sen. Grace Poe.

***

Nakalusot din sa committee level ang panukalang magtatatag ng job placement centers sa high schools at state colleges and universities (SUCs) at nakatakda na itong talaka­yin sa plenaryo.

Kapag naisabatas, makatutulong ang panukala upang ma­bigyan ng akmang trabaho ang parehong high school at college graduates.

Ang job placement offices sa public schools at SUCs at magsisilbing tulay sa paglikha ng trabaho at tutugon sa talamak na jobs mismatch sa bansa.

Batay sa bagong data mula sa Philippine Statistics Office, ang unemployment rate ng bansa ay nasa 4.7 percent habang may dalawang milyong Pilipino ang walang trabaho. Ang bilang naman ng underemployed na Pinoy ay nasa 7.51 million.

Sa mga numerong ito, kailangan na ng mga hakbang para makalikha ng bagong trabaho at masolusyunan ang jobs mismatch sa bansa.

Itinatakda ng panukala ang pagtatayo ng Trabaho Center sa bawat public high school at SUC na magbibigay ng sumusunod na serbisyo: 1) Industry Matching, 2) Career Coaching, at 3) Employment Facilitation.

Kailangang may database ang Trabaho Center ng employers, contacts at trabaho sa mga komunidad.

Gagamitin ito sa pagbibigay ng payo sa mga estudyante kung ano ang papasuking larangan sa pag-aaral at kung ano ang trabaho na puwede nilang pasukin kapag naka-graduate.

Masosolusyunan naman ng Trabaho Centers ang skills mismatch sa pamamagitan ng pagbibigay ng opinyon sa ginagamit na modules sa pagtuturo at pakikipag-ugnayan sa ­TESDA upang mahasa ang galing ng mga graduates para matiyak ang ­trabaho pagka-graduate.

Sa susunod na taon, itutuloy ang pagtalakay sa dalawang panukala at umasa kayong ipaglalaban ko ito sa plenaryo hanggang maging batas.

BIDA KA!: Sama-sama tayo sa pag-unlad ng edukasyon

Mga bida, napakalaking ta­gum­pay ang natamo ng Senado kama­kailan nang aprubahan nito ang P8.3 bilyong alokasyon sa 2017 budget para sa libreng tuition fee sa state colleges and universities (SUCs).

Orihinal na nakalaan ang nasa­bing pondo sa ibang proyekto suba­lit nasilip ni Sen. Ping Lacson na puwede itong gamitin sa edukasyon.

Kaya naman inilipat ito sa Commission on Higher Education para ipantustos sa libreng tuition fees sa SUCs, sa pagsisikap din ng Committee on Finance ng Senado na pinamumunuan ni Sen. Loren Legarda.

Bilang chairman ng Committee on Education sa Senado, naniniwala tayo na ang nasabing pondo ay isang magandang panimula sa isinusulong nating batas upang maging libre na ang tuition fee sa SUCs, hindi lang sa 2017, ngunit sa ­susunod na mga taon.

***

Ngayong may pondo na para sa libreng tuition fee sa SUCs, kailangan namang kilusin ng Senado ang pagpasa ng nasabing batas.

Ngayong 17th Congress, inihain natin ang Senate Bill No. 177 o ang Free Higher Education for All Act na nagbibigay ng libreng free tuition fee sa lahat ng mga estudyante ng SUCs.

Maliban sa ating panukala, may lima pang katulad na bill ang nakahain sa Senado at kasalukuyang dinidinig sa Committee on Education na ating pinamumunuan.

Kapag naisabatas ito, magiging regular na sa taunang ­budget ang pondo para sa libreng tuition fee sa SUCs.

Dahil sa suportang inaani ng mga panukala sa Senado, umaasa tayong maisasabatas ito sa Pebrero o Marso upang mapakinabangan na pagpasok ng Hunyo ng susunod na taon.

 

***

Malaking isyu ang edukasyon at kailangan nating gawin ang ating bahagi upang maisakatuparan ang mga kailangang reporma para sa kapakanan ng taumbayan.

Nagpapasalamat tayo kina Sen. Legarda at Sen. Lacson sa pagpupursigi na maisama ang P8.3 bilyon sa 2017 budget para sa libreng tuition fee sa SUCs.

Kasama rin natin sa adbokasiyang ito sina Senador Ralph Recto, Win Gatchalian, Chiz Escudero, JV Ejercito at ­Sonny Angara.

Matagal din itong ipinaglaban nina Cong. Sarah Elago ng Kabataan Partylist, si Cong. Ann Hofer sa Kamara at ng ­Commission on Higher Education (CHED).

Ngayon pa lang, nagpapasalamat din tayo sa executive branch na magpapatupad ng libreng tuition fee sa SUC kapag naaprubahan ang 2017 budget.

Huwag nating pulitikahin ang edukasyon. Ang edukasyon ay napakaimportanteng bagay na kailangan nating pagtulu­ngan upang mapalago at mapakinabangan ng nakararami ­tungo sa pag-asenso.

TRANSCRIPT: Bam on free tuition fee in SUCs

Transcript of “Umagang Kay Ganda” interview

 

Q: Senator, paano po ba ang proseso ng deliberation at paano tayo nakaabot sa ganitong klaseng desisyon in terms of making a law para magbigay ng ganung subsidy sa mga estudyante?

 

Sen. Bam: Dalawang bagay. Unang-una, iyong budget for 2017 iyan iyong katatapos pa lang at may nakalaan na P8.3 billion budget for next year sa ating SUCs para sa libreng tuition ng mga estudyante. That’s for next year.

 Iyan ipinaglaban natin ng ating chairperson ng finance, si Senator Legarda, si Senator Lacson. Ang iba sa amin sumuporta po diyan.

 In fairness, pumayag naman ang Kongreso na ilagay iyan sa ating budget. For next year, okay na po iyan.

Ang gusto po natin, in succeeding years, maging institutional na po ito, na libre talaga ang tuition fee sa ating mga eskuwelahan.

Kaya tinutulak po namin iyong Free Tuition Fee in SUCs Act that we’re hoping to pass by March of next year para by June, nakalaan na rin ang mga detalye kung paano ito i-implement and for the succeeding years na rin.

 

Q: Senator, para lang di magkaroon ng kalituhan. Kunwari ang magulang bitbitin ang anak niya next year, i-enroll sa SUC, pag sinabing libre ang matrikula, wala na talagang babayaran?

 

Sen. Bam: Hindi po kasi ang binabayaran ng ating mga estudyante, mayroong tuition fee, mayroon miscellaneous expense. Kung ang kurso mo may laboratory, may laboratory expense pa ito. Kung engineering ka, mas malaki ang ibabayad mo.

Itong tuition fee is about 30 to 40 percent of the cost ng ating mga estudyante. Kahit paano, malaking tulong pa rin ito pero hindi po totally free.

 Ito po ay isang bagay na tinatrabaho pa natin. Hopefully, in the succeeding years, mas maging mura talaga at maging ganap na libre na ang ating tuition fee.

 For now, ang pinag-uusapan po ay tuition fee na 30 to 40 percent.

 

Q: Magkano ang inilaan ng gobyerno sa bawat estudyante sa taong 2017?

 

Sen. Bam: Roughly its about P8,000. Iyong average kasi natin is somewhere there. May mga ibang SUCs, nasa P6,000 a year. In fact, last week galing tayong Cagayan at Isabela, doon P3,000 per sem lang ang kanilang tuition fee.

 Noong nakaraang buwan naman, galing tayong Negros Occidental, P8,000 iyong kanilang tuition fee per sem. So magkakaiba.

 

Q: Lahat po ba ng estudyante iyan? Kasi halimbawa sa eskuwelahan ni Atom Araullo, ang mga estudyante diyan puro de kotse. Mas marami pa ang kotse ng estudyante kaysa sa teacher.

 

Sen. Bam: Actually, iba talaga rin ang sitwasyon ng UP. Kasi UP, being the premier university, kasama ang UP dito. Kasama siya sa state university and college. Although admittedly, mas malaki porsiyento talaga ng nasa UP ngayon ang masasabing may kaya.

But karamihan, the other 113 SUCs natin, iyong karamihan po diyan, mga kabataang nangangailangan.

Ang inilaan po namin na free tuition fee at iyong binabalak po natin sa batas ay walang diskriminasyon, walang pinipiling bracketing, walang pinipiling kurso.

 Lahat talaga ng pumapasok sa government state university at college, iyon po dapat libre na ang tuition. Iyon ang intention ng ating batas.

 

Q: Halimbawa sa UP, ang per unit sa UP ngayon is P1,500. Pinakamahal sa lahat ng mga SUC pagdating sa tuition. Kaya ko tinatanong na pati ang mapepera… siguro naman, kung nanonood sa atin ang mga kabarkada ko diyan sa Forbes Park na nag-aaral sa UP, baka puwedeng i-waive niyo na kung walang specific na makikinabang dito.

 

Sen. Bam: Alam mo Anthony (Taberna), the truth is kasi iyong UP system, isang school system iyan compared to nakapakaraming SUCs, Cagayan State, Isabela State, Tarlac State, Central Luzon State.

 Kahit kasama ang UP dito, masasabi nating sila talaga ang medyo outlier o medyo kakaiba talaga ang sitwasyon. But iyong karamihan, majority kung hindi man close to 70 to 80 percent, mga kabataang nangangailangan.

 Mahirap kasing gawing standard iyong UP Diliman ang standard mo for SUCs. Iba talaga siya.

 Hopefully by March next year, pasado na ang batas, maging yearly itong budget item na ito and talagang malibre natin itong part.

 Ang sabi lang namin, baka naman ilibre mo iyong tuition fee, iyong miscellaneous dumoble. Kailangan talagang bantayan na hindi tataas ang ibang fees habang nililibre mo ang tuition.

 

Q: Napag-usapan nga namin ni Tunying kahapon. Katulad sa amin sa Bulacan State University, pag nalibre po senator next year, kung saka-sakali ang mga susunod na taon, hindi naman ni-release ang budget, mahihinto sa pag-aaral, dropout.

 

Sen. Bam: Kaya namin gustong isabatas ito. Kasi ang budget mo, is good for one year. Definitely, malaking bagay po itong ginawa ng mga kasamahan natin sa Senate na ipasok ito for next year but gusto natin itong makita na regular and yearly.

Sana po ay maging yearly na with the passage of our bill.

 

Q: Bakit ang pahayag ng ibang senador ay P12,000 ang laan sa ibang estudyante ng SUCs, bakit ang nabanggit niyo ay P8,000. Ano ba talaga?

 

Sen. Bam: Magkakaiba kasi iyong per SUC. In some SUCs, P12,000 ang kanilang per year. Iyong iba nga P6,000 lang. More or less, ma-a-average out iyan. But ang balak talaga niyan, wala ka nang ilalabas para sa tuition fee.

 

Q: Sino ba talaga ang dapat naming pasalamatan natin dito? Pasensiya na, sa ganda ng istorya, nag-aagawan po ang sinu-sino. Sa inyo na po manggaling.

 

Sen. Bam: Panahon ng pagbibigayan. Dapat lahat ng kasama, masabi natin na mabigyan ng tamang praise. To be fair, ito po’y naging Senate initiative, wala po ito sa original budget.

 Naitulak po ito ni Sen. Legarda at Sen. Lacson. Ang iba nating mga kasama po natin na may ganitong adbokasiya, si Sen. Gatchalian, Recto, Angara, Escudero, marami ho.

 In fairness, noong hinarap natin ito sa Kongreso, pumayag din.

Matagal na itong pinaglalaban ni Cong. Sarah ng Kabataan Partylist, si Cong. Hofer.

 Kapag pinirmahan ni President Duterte ito, mayroon ding siyempreng praise para sa kanya dahil naituloy ito.  Si CHED is also behind this.

Huwag na nating pulitikahin ang edukasyon. Ang edukasyon napaka-importanteng bagay, kailangan tayong magtulungan.

 

Q: For the record, ito po kasing P8.3 billion na ito, originally sa ARMM po ito. Tapos ginawa ng ibang congressman, nilagay sa national DPWH. Noong nakita ni Sen. Lacson, pork barrel. Nabisto po ni Sen. Lacson kaya ang P8.3 billion from DPWH napunta po sa SUCs.

 

Sen. Bam: Tama iyan. Just for the record. And hopefully by next year, nagkakasundo naman ulit tayo dito, gawin na nating yearly. Ituloy natin ang batas na iyon.

Scroll to top