IP peering

BIDA KA!: May IP Peering na!

Mga bida, laman ng balita kamakailan ang inisyal na usapan sa pagitan ng susunod na peace process officials at mga lider ng National Democratic Front (NDF) sa Norway.

Sa ulat, nagmistulang reunion ng magkakabarkada ang pulong dahil matagal nang magkakilala ang mga miyembro ng dalawang kampo.

Sa nasabing miting, mabilis na nagkasundo ang dalawang panig na ipagpatuloy ang usapan para matuldukan na ang ilang dekadang tunggalian at ipursigi ang inaasam na kapayapaan.

Lingid naman sa kaalaman ng lahat, may nangyari ring pag-uusap sa pagitan ng PLDT at Globe, ang dalawa sa pinakama­laking telecommunication companies sa bansa.

Hindi tulad ng nangyaring pulong sa Norway, dumaan sa butas ng karayom at mabusisi ang naging usapan ng mga negosyador ng PLDT at Globe upang marating ang kasunduan para sa IP Peering.

Inabot ng halos isang taon ang negosasyon upang maabot ang matagal na nating isinusulong na IP Peering sa pagdinig ng aking kumite ukol sa mahal at mabagal na Internet sa bansa.

 ***

Sa mga nakalipas na hearing ng Committee on Trade, Commerce and Entrepreneurship, lumutang ang IP Peering bilang isa sa mga solusyon upang mapabilis ang koneksiyon ng Internet sa Pilipinas.

Dahil walang IP Peering, kapag nagbukas ng isang website sa Pilipinas, ang data ay nagtutungo pa sa ibang bansa bago bumalik dito. Resulta, mabagal magbukas ng isang website.

Sa tulong ng IP Peering, hindi na lalabas ng bansa ang data kaya mas mabilis nang magbukas ang website na nais na­ting puntahan.

Sa una, naging mainit na usapin ukol sa IP Peering. Matigas ang naging pagtutol ng mga telcos sa nasabing panukala sa maraming kadahilanan.

Pero nang tumagal, unti-unti rin silang lumambot at puma­yag nang silipin ang posibilidad na mangyari ang IP Peering.

 ***

Kamakailan, nangyari na nga ang matagal nang pinapa­ngarap ng maraming Pilipino nang pumirma sa isang memorandum of agreement ang PLDT at Globe para sa IP Peering.

Ayon sa telcos, ang benepisyo ng kasunduan ay mararamdaman ng halos lahat ng Internet users sa bansa, lalo na ng mobile subscribers na gumagamit ng data, kapag nakumpleto na ang IP peering sa loob ng 30 araw.

Maituturing ito na isang malaking panalo sa hangarin na­ting mapaganda ang estado ng Internet mula nang buksan natin ang imbestigasyon sa Senado ukol sa mahal at mabagal na serbisyo ng telcos.

Naging matagal man ang proseso, nagpapasalamat tayo na ito’y naging katuparan. Sabi nga nila, better late than never.

Article first published on Abante Online

Sen. Bam Aquino’s Speech during the IP Peering MOA Signing

 “Magandang umaga po sa ating lahat. Definitely, today is a big step towards achieving our goals of having improved Internet services in the Philippines.

Ngayon po, all of our government websites, at least majority of our government websites, are locally peered.

This means, now that PLDT is connected to the PHOpenIX, our government data, any g to g data doesn’t have to leave the Philippines and can actually just travel locally among our shores.

Can you imagine the issues on national security previous to this day and this partnership? Before, government data had to travel outside of the country and come back to our shores to be able to get back to other government websites.

Today definitely is a huge day and we would like to thank PLDT and DOST for finally working out this partnership. Definitely, we can all sleep more soundly tonight now that this partnership is done.

Malaking bagay po na ang huge player like PLDT is now connected to the PHOpenIX. It does open a lot of opportunities in the future. At the minimum, our government sites are safer and of course would be more efficient Of course, this partnership does open the doors for other partnerships down the line.

What I’ve been harping about IP peering in the Senate hearings regarding IP peering, I think, we’re one step closer to that with this MOA signing.

Hopefully there will be another great announcement before the end of the year when it comes to full IP peering in the Philippines.

Today is definitely a good step, a big step and along the way of trying to improve Internet services in the Philippines, this is one of those days that we will remember as a banner day to be able to get to the goals that we want for our country.

More and more, lumalabas talaga na ang competitiveness of our country, a large part of it, in the next five to 10 years, if not the next two to three years, will be dependent on how good our Internet infrastructure is.

We’re hoping that together, we can really build a much improved Internet infrastructure in the Philippines.

We have a long way to go definitely, but sabi nga nila, each journey begins with one step and this is definitely a good step in the right direction.”

BIDA KA: Maliliit na panalo

Mga Bida, pamilyar ba kayo sa terminong IP peering?

Kabisado ng mga ­techie o iyong mahihilig sa makabagong gamit at teknolohiya ang salitang ito ngunit hindi naman para sa mga ‘di techie.

Upang lubos na ma­unawaan ang takbo ng IP peering, gagamitin ko bilang halimbawa ang mag­kaibigang sina Vic at Joey, na magkaharap lang ang bahay sa Quezon City.

Kung may nais ­ibigay na regalo si Vic sa kanyang kaibigang Joey, pina­padala muna niya ito sa Estados Unidos bago ito makara­ting sa bahay ni Joey, at ganundin si Joey pag may ipapadala kay Vic.

Talagang pinapahirapan ng dalawang magkaibigang ito ang isa’t isa sa halip na tumawid na lamang sa kalsada at iabot ang mga regalo sa isa’t isa. Sa ganitong sistema, mabagal, sayang sa oras at magastos pa.

Ganito ang ­sistema ng ating telecommunications companies sa nga­­yon dahil sa ­kawalan ng IP pee­ring. Ang ­dala­wang telcos ay parang sina Vic at Joey na magkapitbahay lang pero wala silang direktang koneksiyon sa isa’t isa.

Kung ikaw ay isang subscriber at may bubuksan na website na nasa kabilang telco, bibiyahe pa ang data sa US bago bumalik ang iyong data sa iyong computer.

Sa ganitong proseso, mas matagal ang takbo ng ating Internet connection dahil kailangan pang bumiyahe sa milya-mil­yang kable ang data bago pa mabuksan ang website sa ating computer.

Subalit isang magandang balita ang ating tinanggap kamakailan sa padinig natin tungkol sa mabagal at mahal na Internet sa bansa.

***

Sinabi ng mga ­telcos at ng Department of ­Science and Technology (DOST) na malapit nang mabuo ang memorandum of agreement (MOA) para sa IP peering para sa lahat ng telcos sa bansa.

Sa plano, papayagan na ang IP peering gamit ang exchange server ng DOST upang direkta nang makapag-usap ang mga ISP nang hindi na dadaan pa sa ibang bansa.
May commitment na ang mga telcos at go­vernment agencies sa IP peering para sa mabilis na pagbuo ng MOA, na maaari nang mapirmahan anumang oras.

Kapag naisakatuparan ang IP peering, magiging lokal na ang nila­laman ng mga website sa Pilipinas. Mas bibilis ang Internet at mas madali nang magbukas ng mga website dahil hindi na kailangang umikot pa sa malayong bahagi ng mundo ang data.

***

Isa pa sa maituturin­g na maliit na panalo ay ang plano ng National Telecommunications Commission (NTC) na lumikha ng isang memorandum circular na siyang magtatakda ng dapat na bilis ng Internet sa bansa.

Kapag lumabas iyon, puwede na itong ibangga sa opisyal na bilis sa nakalagay sa advertisements ng telcos.

***

Sinimulan na rin ang pagtalakay sa mga prose­so ng ating gobyerno ukol sa paglalagay ng telcos ng imprastruktura gaya ng cell site at mga kable na magpapabilis sa ating Internet.

Sa kasalukuyang sis­tema, labing-anim na hak­bang at anim hanggang pitong ­national government ­agencies ang dapat daanan bago makapagpatayo ng impras­truktura sa isang lugar.

Dahil dito, napipigi­lan ang expansion programs ng telcos para sa mas magandang Internet.

Nagpahayag ang NTC na pag-aaralan ang mga nasabing hakbang para mas mapadali ang pagkuha ng mga permit ng telcos sa mga national agencies.

Sa panig ng DILG, nangako silang makiki­pag-ugnayan sa mga siyudad, munisipalidad at mga lalawigan para sa pag-aaral ng mga bayarin at mga proseso para makakuha ng permit ang ating mga telcos.

Noong nakaraang hearing, may nagsabi sa social media na, “we are barking at the wrong tree.” Mukhang maling isyu raw ang ating tini­tingnan para masolus­yunan ang problema sa ating Internet connection.

Ngunit para sa akin, ang tintingnan natin ay hindi iisang puno, kundi isang gubat na mara­ming masasalimuot at kumplikadong isyu.

Ang ginagawa natin, iniisa-isa natin ang pagresolba sa mga isyung ito upang maabot natin ang inaasam na malaking panalo para sa taumbayan.

Mga Bida, isang taon na ang nakalipas nang si­mulan natin ang pagtala­kay sa isyu ng Internet. Hindi natin ito bibitawan hanggang sa makuha nating mga users ang nararapat na bilis, presyo at access ng Internet connection!

 

 

First published on Abante Online

 

 

Scroll to top