Manila Traffic

Bida Ka!: Solusyon sa trapiko

Mga Bida, noong Lunes, humarap na sa pagdinig ng Senado ukol sa matinding problema ng trapiko sa Metro Manila ang matataas na opisyal ng pamahalaan na nagtutulung-tulong para resolbahin ito.

Kabilang sa mga dumalo sa pagdinig sina Secretary to the Cabinet Rene Almendras, Transportation Secretary Jun Abaya at Metro Manila Development Authority (MMDA) chairman Francis Tolentino.

Sa kanilang pagdalo, naging masigla ang diskusyon sa ikalawang pagdinig at naging detalyado ang iprinisintang short-term at long-term na programa at proyekto para maresolba ang trapiko sa Kamaynilaan.

***

Sa mga unang araw, tinutukan ng task force ang pagbalik ng disiplina at sa mga lansangan, gaya ng paggamit ng yellow lane, pagsakay at pagbaba ng mga pasahero sa tamang lugar at pag-alis ng illegal vendor sa mga sidewalk at iba pang sagabal sa trapiko.

Ang mga hakbang na ito ay planong suportahan ng task force ng iba’t ibang pangmaikliang programa upang mabigyan ng agarang solusyon ang sitwasyon ng trapiko sa kahabaan ng EDSA.

Una sa mga programang pinag-aaralan ng task force ay ang staggered work hours upang hindi magsabay-sabay ang pag-uwi ng mga empleyado at paglalagay ng espesyal na linya sa EDSA para sa mga sasakyang may lulang tatlong katao pataas.

Plano rin ng task force na maglagay ng Mabuhay lanes na gagamitin sa biyahe ng 20 pinuno ng iba’t ibang bansa sa APEC Summit. Ito rin ay magsisilbing alternatibong ruta sa pamamasyal ng ating mga kababayan sa Kapaskuhan.

Sa mga susunod na linggo, isa-isang ipatutupad ng task force ang mga programang ito upang malaman kung ito’y epektibo o hindi.

***

Noong Martes naman, mga Bida, muling ipinatupad ng MMDA ang truck ban sa Kamaynilaan, kung saan bawal bumiyahe ang mga truck mula alas-sais hanggang alas-10:00 ng umaga at alas-singko hanggang alas-10:00 ng gabi, maliban sa ruta palabas sa hilagang bahagi ng bansa.

Paliwanag ni Chairman  Tolentino ay muli nilang ipinatupad ang regulasyon na nabuo noon pang 1978 dahil naresolba na ang problema sa port congestion.

Ang pagpapatupad sa truck ban ay bahagi rin ng paghahanda para sa seguridad ng mga delegado sa APEC Summit at mapaluwag ang EDSA na nadagdagan ng sasakyan dahil sa ginagawang Skyway 3 na bumabagtas sa ilang malalaking kalye sa Kamaynilaan.

***

Batay sa pag-aaral, ang pagdami ng tao at mga sasakyan sa Kamaynilaan ay larawan ng isang maunlad na ekonomiya. Ngunit kasabay ng paglagong ito, hindi dapat hayaan na mauwi ito sa trapiko at pagsisikip ng Metro Manila.

Kaya tinututukan na rin ng task force ang mas madaling pagbiyahe ng mga commuter sa pamamagitan ng pagpapabilis sa high-occupancy vehicles gaya ng bus at tren.

Kung ating titingnan, ang isang bus na dalawang kotse ang haba ay kayang magsakay hanggang animnapung katao. Wala pang sampu ang kayang isakay ng dalawang kotse na may katumbas na espasyo gaya ng isang bus.

Mababawasan ang mga kotse sa kalsada kung mayroon tayong maayos at mabilis na mass transport system. Kung mapapaganda ang serbisyo ng MRT sa susunod na mga buwan, mas marami ang mahihikayat na sumakay rito.

Sa gitna ng mga plano’t programang ito, kailangan ding gawin ng mga motorista at pasahero ang kanilang bahagi, gaya ng disiplina sa pagmamaneho at mahabang pasensiya ng lahat.

Tandaan, ang pagsunod sa batas ay obligasyon ng lahat at hindi ng iilan. Sabi nga ng HPG, isa sa mga dahilan ng trapiko ay ang katigasan ng ulo ng mga motorista.

***

Nagpapasalamat tayo sa HPG, MMDA, kay Secretary Almendras at iba pang mga ahensiya ng pamahalaan sa kanilang pagkakaisa at pagsisikap na mapaganda ang daloy ng trapiko sa EDSA.

Ngunit pinakamahalaga pa rin ang suporta ng taumbayan sa ikatatagumpay ng mga programang inilatag ng task force.

Ilang beses na nating napatunayan na kapag nagsama-sama at nagkaisa ang lahat, tiyak ang tagumpay ng isang bagay at mas mada­ling ayusin ang gusot at problema.

Kaya bigyan natin ng pagkakataon ang pamahalaan na ipatupad ang mga programang ito, dahil ito rin ay para sa ating kapakinabangan kapag nagtagumpay!

 

First Published on Abante Online

 

7 Paraang Panlaban sa Kainipan at Kabaliwan Habang Trapik

By: Lis7Avengers

 

Walang pinipiling biktima ang traffic ngayon sa Metro Manila, mapa-commuter ka man o nagdadrive, paniguradong na-irant mo na sa Facebook at Twitter ang kasindak-sindak na experience mo.

Doble pasakit din kapag naabutan ka pa ng rush hour sa kalye. Kaya naman, habang ikaw ay nakatigil sa EDSA, o usad pagong sa C5, heto ang 7 suhestiyon para labanan ang kainipan at kabaliwan habang trapik!

 

 

  1. Tahakin ang mabilis na daan. Subukin ang iba’t ibang ruta patungo sa trabaho, eskwelahan o kung saan ka man madalas pumunta. Gawin ito hanggang sa mahanap mo ang perfect na daan, iyong mabilis at kaunti lang ang hassle sa kalsada. Ang goal ay makarating sa destinasyon nang wala masyadong init ng ulo, o stress na sisira sa araw mo.

EDSA highway

 

 

alternateroute

  1. The more, the many-er! Magsama ng mga friends at positive vibes sa commute o drive. Pumasok nang sabay sabay, o i-try mag carpool. Makakamura ka na sa gas, makaka-bonding mo pa ang mga kasama mo. Kung sakali mang maipit pa rin sa traffic, at least may kausap ka at hindi ka na nagmomonologue. Malay mo, ito rin ang magiging tulay sa puso ng crush mo. Yihee, isakay mo na siya!

carpooling

 

 

  1. Magnilay-nilay! Sa tagal ng pagka-tengga habang rush hour, ang daming nasasayang na oras. Pero maaari pa namang maging productive at gumawa ng mga to-do list, Christmas list, o sarili mong Lis7ahan. Para mas less na ang gagawin sa pupuntahan, magtrabaho na din while on the road. Sumagot ng email o mga text ni boss habang nakatigil. Puwede ring alalahanin ang mga life experiences at gawin itong inspirasyong sa paggawa ng mga tula o hugot statements. Dahil ang EDSA, minsan highway, madalas parking lot.

emoteinisdethecar

 

 

  1. Magpaka-sweet! Tawagan ang iyong mga mahal sa buhay at kumustahin. Mag-reconnect sa mga dating kaibigang hindi mo na nakakasama, siguraduhin lang na hindi ka naka-toka sa manibela. At kung talagang sweet ka, makisali sa mga initiative na tumulong sa mga PNP Highway Patrollers! Puwedeng mamigay ng tubig, mamon, o face mask – basta hindi pang-merienda nila pag nahuli ka!

textinginsidejeepney

 

 

  1. Maki-rockandrolltotheworld! Sa dami ng mga banda at musikero sa mundo, hindi ka mawawalan ng bagong music discoveries. Kung commuter ka, put your headphones at iwanan muna sandali ang masalimuot na mundo sa gitna ng traffic. Makinig at mag-moment to the tune of your favorite songs. Kung nagdadrive naman, chance mo ng bumirit ng Mariah o maki-head bang kasama ang Parokya. Siguraduhin lang na your eyes are on the road kapag nag-green light na.
rockandroll

Source: Autoparts Blog Warehouse

  1. Huwag pasaway. Lahat tayo napeperwisyo ng trapik. Huwag ka nang dumagdag pa sa pagkayamot ng iba. Sundin ang batas trapiko, tumawid sa tamang tawiran, pumila nang tama, at magbigayan – with a smile!

HPG EDSA

 

 

  1. Maging bahagi ng solusyon. Higit sa mga reklamo, ang kailangan natin ngayon ay solusyon. Kung mayroon kayong sagot sa problema ng traffic congestion, ibahagi sa aming Facebook page. Huwag mag-alala, uusad din tayo, at may pag-asa pa. Tulong-tulong sa pagsulong, friends!

HPG-Group-meeting

Kung mayroon kayong naiisip na Lis7ahan at nais maging miyembro ng Listavengers, mag-e-mail sa team.bamaquino@senado.ph!

 

Speed Up Decongestion of Port to Ease Traffic – Sen. Bam

Senator Bam Aquino called on the government to speed up the process of port decongestion so as not to further burden the motorists and commuters who are already affected by the everyday traffic jams in Metro Manila.

“While decongesting Port of Manila is important, we must also guarantee that the public interest and welfare will not be compromised,” said Aquino, chairman of the Senate Committee on Trade, Commerce and Entrepreneurship.

At the same time, the lawmaker called on concerned government agencies and local government units (LGUs) to ensure that traffic enforcers are in place to help alleviate the traffic problem.

Aquino also appealed to the public to bear with the heavy traffic in the next two weeks due to the government’s campaign to decongest the Port of Manila.

“We ask the public to further stretch their patience as the government solves the port decongestion problem that we are facing right now,” said Aquino.

Aquino said the government has no other recourse but to implement drastic measures to decongest the country’s main port, saying this problem will worsen if not immediately addressed.

“Many businesses will be affected and prices of goods will go up if this port congestion problem persists and we must not allow this to happen,” the senator explained.

Aquino said the public would ultimately benefit once the port congestion problem is solved.

From September 8 to 21, the Metro Manila Development Authority (MMDA) will implement the last mile route, which will enable trucks to ply main roads, even during truck ban hours, provided that they carry cargo for shipment to their designated end-points.

Last month, Aquino’s committee investigated the port congestion problems and came up with several proposals to help solve the problem.

During the hearing, the city of Manila agreed to open more trade lane routes for trucks while concerned government agencies committed to work during weekends to hasten the releasing process in the port.

Sen. Aquino’s committee is expected to visit the Port of Manila later this month to check if there are improvements or if additional changes are necessary.

Scroll to top