PNP SAF

BIDA KA!: Mike 1 Bingo

Hindi maikaila na naging malungkot nang sinariwa muli natin ang mga huling oras ng Fallen 44, mula sa kanilang pagdating sa lugar hanggang sa huli nilang radio contact.

Ngunit huwag nating kalimutan ang tatlong salita na tumatak at nangibabaw sa pagdinig: “Mike 1 Bingo.”

Ito ang text ng isa sa mga ipinadala ng mga operatiba ng SAF, sinasabing napatay nila ang international terrorist na si Zulkifli bin Hir alias Marwan.

Hudyat ito na mission accomplished ang kanilang lakad. Nabura na nila sa mundo ang isa sa kinakatakutang terorista na siyang may-gawa ng ilang pagpapasabog sa iba’t ibang bahagi ng mundo.

Sa kabila ng sari-saring isyung lumitaw ukol sa pangyayari, huwag sanang mawala sa ating isipan na natapos nila ang kanilang misyon.

Ang kapalit ng pagkawala ng Fallen 44 ay mas tahimik na Pilipinas at ng buong mundo para sa atin at sa ating mga anak.

***

Humarap din sa pagdinig ang kontrobersiyal na si dating Special Action Force (SAF) head Getulio Napeñas, na siyang namuno sa nasabing operasyon.

Sa kanyang testimonya, pinanindigan ni Napeñas na isang “judgment call” ang kanyang desisyon na huwag ipaalam sa pamunuan ng PNP at Armed Forces of the Philippines (AFP) ang operasyon.

Ang paliwanag ni Napeñas, sa ilan nilang lakad kasama ang AFP, nakapuslit na si Marwan bago pa man sila dumating sa hideout ng terorista.

Sa pangambang muling hindi mahuhuli si Marwan, nagpasya si Napeñas na hindi muna ipaalam sa AFP ang mga plano at sabihan na lamang sila sa araw ng operasyon o kapag “time-on-target” na.

Sa pasyang ito, nahuli ang tulong ng AFP at naging isa sa mga dahilan kung bakit napakarami at karumal-dumal ang namatay mula sa SAF.

Sabi ng marami, kung nakipag-coordinate lang si Napeñas sa AFP, malamang na hindi umabot sa ganoon ang pangyayari. Natupad nga nila ang misyon ngunit marami namang buhay ang nasawi.

Ngunit mauuwi rin ba sa pagkamatay ni Marwan kung naki­pag-coordinate muli si Napeñas sa AFP at muli itong makakapuslit?

Kasaysayan ang siyang huhusga kay Napeñas kung tama o mali ang kanyang judgment call sa operasyon.

***

Mga Bida, kapansin-pansin naman ang hindi pagdalo ng ilang matataas na opisyal ng MILF, sa pangunguna ni Mohagher Iqbal, ang pinuno ng peace panel.

Kaya ‘di naiwasan ng ilan nating kapwa senador ang magpakita ng inis, lalo pa’t maraming katanungan na dapat nilang sagutin.

Kailangang makiisa ang MILF sa paghahabol natin ng katotohanan at hustisya para sa Fallen 44.

Hindi sapat ang pagbalik ng armas ng Fallen 44.

Bilang pakikiisa sa paghahanap ng katarungan para sa mga nasawi, hinihiling natin sa kanila na isuko nila ang mga pumatay sa SAF 44 at idaan sa tamang proseso ng ating mga batas ng bansa.

Kung tunay silang nakikiisa, hindi nila pahihirapan ang ating mga imbestigasyon at makikipagtulungan silang mabigyang li­naw ang ating mga katanungan sa mga nangyari.

***

Mga Bida, naghain ako ng resolusyon na bigyan ng posthumous Medal of Valor ang Fallen 44 upang kilalanin ang kanilang katapangan, kagitingan at ginawang sakripisyo para sa kapa­yapaan ng ating bansa.

Sa ilalim ng resolusyon, ang mga nabiyuda o ‘di kaya’y iba pang umaasa sa award ay mabibigyan ng habambuhay na monthly pension at puwedeng maging empleyado ng National Government Agencies (NGAs) o Government Owned and Controlled Corporations (GOCCs).

Nais nating hindi makakalimutan ang ginawa nilang sakripisyo na magsisilbing inspirasyon para sa ating mga kababayan na patuloy na pagsilbihan ang bansa.

***

Nakikiramay tayo sa mga pamilya ng 44 na PNP-SAF na nagbuwis ng buhay para sa kapayapaan. Sa mga gustong tumulong sa kanila, maaaring mag-donate sa DSWD-Landbank Account, “DSWD-Armed Conflict Mamasapano, Maguindanao,” LBP Current Account No. 3122-1026-28 o sa PNP-Landbank Account, “PNP Special Assistance Fund,” LBP Current Account No. 1862-1027-77.

 

First Published on Abante Online

BIDA KA!: Saludo sa #Fallen44

Batay sa ulat, napatay na ng elemento ng SAF si Marwan bago nila nakasagupa ang mga elemento ng Bangsamoro Islamic Freedom Fighters (BIFF) at Moro Islamic Liberation Front (MILF).

Sa paghupa ng bakbakan, isang mapait na tanawin ang tumambad sa lahat. Nabuwal ang ating mga bayani na ibinuwis ang kanilang buhay para mapanatiling ligtas ang ating bansa laban sa gaya ni Marwan.

Ang kanilang ginawa ay higit pa sa kabayanihan.

Isinakripisyo nila ang kanilang buhay para sa kaligtasan ng bansa at ng mundo, upang tayo’y mabuhay ng tahimik at malayo sa banta ng terorismo.

Sa Fallen 44, maraming salamat sa inyong sakripisyo, kagitingan at katapangan. Mas ligtas ang Pilipinas sa ginawa niyong kabayanihan.

***

Sa gitna naman ng sisihan at turuan kung sino ang may kasalanan sa sinasabing mis-encounter, huwag sanang maisantabi ang paghahabol sa hustisya para sa ating mga nasa­wing bayani.

Hindi dapat humantong sa wala ang pagkamatay ng ating mga bayani. Dapat managot sa batas ang gumawa nito. Dapat mabigyan ng katarungan ang kanilang pagkamatay para na rin sa kanilang mga naulila.

Kaya panawagan natin sa pamahalaan at MILF, magsagawa ng totohanang imbestigasyon ukol sa pinag-ugatan ng nangyari.

Malaki rin ang gagampanang papel ng MILF upang makamit ang hustisya. Mas mabilis itong maaabot kung kusa nilang isusuko ang mga tauhan na sangkot sa pagpatay.

Makatutulong na sila sa pagbibigay ng hustisya, makikita rin na handa silang makiisa sa hangarin ng pamahalaan na magkaroon ng pangmatagalang kapayapaan sa Mindanao.

***

Sa nangyaring bakbakan, nalagay sa alanganin ang usapang pangkapayapaan sa panig ng pamahalaan at MILF.

Mukhang maaantala rin ang pagpasa ng Bangsamoro Basic Law (BBL) na magbibigay-daan sa pangmatagalang kapayapaan sa Mindanao kasunod ng pag-atras ng suporta ng ilan sa kapwa ko senador.

Huwag tayong magpadalus-dalos at pakawalan na lang ang BBL. Malayo na ang narating ng usapang pangkapayapaan sa pagitan ng pamahalaan at MILF para basta na lang isuko.

Hindi dapat maantala ang hangarin nating magkaroon ng kapayapaan dahil sa nangyaring trahedya. Ang BBL ang pinakamalaking tsansa natin para magkaroon ng pangmatagalang kapayapaan sa Mindanao.

Kapayapaan ng buong bansa ang nasa puso’t isip ng Fallen 44 nang sumuong sila sa Maguindanao noong Linggo ng gabi.

Masasayang lang ang ginawa nilang sakripisyo kung hahayaan nating mauwi sa wala ang BBL. Ito ang susi sa pangmatagalang kapayapaan at pag-unlad ng Mindanao.

***

Nakikiramay tayo sa mga pamilya ng 44 na PNP-SAF na nagbuwis ng buhay para sa kapayapaan. Sa mga gustong tumulong sa kanila, maaaring mag-donate sa DSWD-Landbank Account, “DSWD-Armed Conflict Mamasapano, Maguindanao,” LBP Current Account No. 3122-1026-28 o sa PNP-Landbank Account, “PNP Special Assistance Fund,” LBP Current Account No. 1862-1027-77.

 

First Published on Abante Online

Bam: Medal of Valor for Fallen 44

A senator has filed a resolution seeking to posthumously award the Medal of Valor to the 44 Special Action Force officers who sacrificed their lives in Mamasapano, Maguindanao, saying they should be commended for their exemplary courage and heroism.

“The 44 officers of the PNP-SAF fought valiantly and sacrificed their lives in the performance of their duty,” Senator Bam Aquino said in his Senate Resolution No. 1156.

Sen. Bam said the bravery of the 44 SAF members led to the killing of international terrorist Zulkipli Bin Hir, alias Abu Marwan, during an operation in Mamasapano, Maguindanao.

“Their lives were in the service to the Filipino people and our nation’s quest for peace,” added Sen. Bam.

However, the SAF team came under intense rebel fire from members of the Moro Islamic Liberation Front (MILF) and the Bangsamoro Islamic Freedom Fighters (BIFF), resulting in the death of 44 of its members.

According to the senator, Republic Act No. 9049 honors military heroes and affiliates for their supreme self-sacrifice and distinctive acts of heroism and gallantry by awarding the Medal of Valor.

“Their mission was accomplished and that the country became a safer place because of them,” Sen. Bam emphasized.

The Medal of Valor entitles the widower and/or dependents of the awardee to a lifetime monthly gratuity and precedence in employment in National Government Agencies (NGAs) or Government-Owned and Controlled Corporations (GOCCs) among other benefits

“Through this recognition, it is our hope that the nation will never forget what they’ve died for and be an inspiration for our fellow Filipinos to continue serving our country,” Sen. Bam stressed.

Transcript of Sen. Bam Aquino’s Interview at the KOMPRe People’s Conference in San Fernando, Pampanga

On the Fallen 44 and the Bangsamoro Basic Law

Sisikapin naming magkaroon ng hustisya para sa mga kasamahan natin na pinatay. Of course, kasama ako sa sumuporta sa Bangsamoro Basic Law. Ang hangarin natin na magkaroon ng kapayapaan, tuluy-tuloy pa rin naman iyan.

In the meantime na nangyari na ang trahedyang ito, hanapin muna natin iyong hustisya. Tingnan natin kung sino ba iyong kailangang managot dito on both sides.

Sabi ko nga, both sides are accountable. Hanapin natin kung sino ba talaga iyong dapat ma-charge, dapat maaresto. 

Siguraduhin natin na mangyari ang hustisya.

Q: Iyong hearing po ba itutuloy?

A: Tuloy ang hearing. That’s going to be on Wednesday.

Gaya ng maraming Pilipino, gusto po nating malaman kung ano talaga ang nangyari. Sino ang nag-utos, bakit sila napunta sa ganoong klaseng perhuwisyo at bakit nagpatuloy ang bakbakan nang ganoong katagal.

Marami sa atin ang na-shock, nagalit, nagdalamhati dahil sa nangyari.

Ang taumbayan po natin, naghahanap ng hustisya para sa ating mga kapatid na namatay, hahanapin po natin iyan.

Q: Sa hearing, sino po ang ipatatawag?

A: Probably from both sides ang tatawagin. I think ilalabas pa nila ang invitations so we’ll find out.

 I’m hoping na lahat ng taong involved, nandoon talaga para malaman natin kung ano talaga ang nangyari.

Q: Sir, iyong sa pag-surrender ng arms ng MILF?

A: Hindi lang arms at personal effects ang hinahanap ng taumbayan. Ako nga I would even go as far as to say na kailangang i-turnover ang mga taong involved dito

Q: Gaano po ito makakaapekto sa Bangsamoro Basic Law?

A: Malaking epekto ito talaga. I’m sure the bill might be modified, amended or changed dahil sa nangyari.

But hindi ibig sabihin noon, kailangang pigilin natin ang proseso. We need to still push for peace.

At the end of the day, ayaw na nating maulit ito ulit. Kung maghihiganti tayo, kung lulusubin natin ang lugar, it will just create a cycle of violence.

Kailangan ng ating mga kapatid na namatay ay hustisya, hindi paghihiganti.

Q: Gaano po kahalaga ang BBL para ma-attain ang kapayapaan, compared po sa sinasabi ni Mayor Estrada na all-out war?

A: Sa all-out war ni Mayor Erap, di hamak na mas maraming namatay. Hindi lang 44 iyong namatay doon, mas marami pang namatay. Iyon ang ayaw nating mangyari.

I think if we push for the peace measures, ang kalalabasan niyan is hindi na mauulit itong ganitong klase ng massacre o ganitong klaseng trahedya.

Hinahanap ng taumbayan ngayon ang hustisya. Hinahanap niya ang totoong impormasyon sa totoong nangyari. Naririto ang Senado para matulungang makamit iyon.

At the end of the day, huwag sana nating pakawalan ang kapayapaan dahil sa kagustuhan nating magkaroon ng vengeance.

Statement of Sen. Bam Aquino on the Encounter of the PNP-SAF with MILF

We deeply condole with the families of the Philippine National Police (PNP) officers who perished in Sunday’s clash with the Moro Islamic Liberation Front (MILF) in Maguindanao.

The PNP leadership must ensure that the benefits of these fallen police officers will be provided to their families the soonest possible time.

At the same time, the PNP must launch a thorough investigation into the incident and find ways to avoid similar encounters in the future.

The lives of our police officers must not be compromised. Both parties must account for the lives lost.

We must not allow this tragedy to be an obstacle to our efforts for lasting peace in Mindanao.

Scroll to top