saf 44

BIDA KA!: Ultimate Responsibility

Subalit mayroon pa rin akong agam-agam sa ilang bahagi ng report dahil pakiramdam ko ay labas na ito sa mga hearing na ginawa namin.

Tulad na lang ng mga naging konklusyon nito sa peace process, sa pagkilos ng peace panel ng pamahalaan at sa Bangsamoro Basic Law.

Sumulat tayo sa komite upang humingi ng paglilinaw sa mga isyu ng report, at kung kakailanganin pa, tayo ay magpapasa ng mga panukala kapag pinag-usapan muli ito sa plenaryo ng Senado.

***

Nakalagay sa ulat na si PNoy ang may “ultimate responsibility” sa nasabing madugong insidente at naniniwala tayo rito.

Ngunit hindi nababanggit sa ulat ng media na matagal nang inako ng Pangulo ang responsibilidad sa nangyari sa Mamasapano sa huli niyang talumpati noong nakaraang buwan.

‘Ika niya: “Ako ang Ama ng Bayan, at 44 sa aking mga anak ang nasawi. Hindi na sila maibabalik; nangyari ang trahedya sa ilalim ng aking panunungkulan; dadalhin ko po hanggang sa huling mga araw ko ang pangyayaring ito.

“Responsibilidad ko po sila, kasama ang buong puwersa ng SAF sa operasyong ito, pati na ang mga nagligtas sa kanila na nalagay rin sa panganib ang buhay.”

Palagay ko, ang mahalaga sa taumbayan ay inako na ng Pangulo ang responsibilidad sa pangyayari at dapat na tayong tumingin sa mas malaking hamon na naghihintay.

Ito ay ang tiyaking hindi na mauulit pa ang madugong insidente sa Mamasapano sa pagsusulong ng usapang pangkapayapaan.

Hindi rin natin dapat kalimutan na bigyan ng hustisya at suporta ang mga naiwan ng 44 na miyembro ng Special Action Force (SAF) na nagbuwis ng buhay sa pagganap ng kanilang tungkulin.

***

Pabor man tayo sa kapayapaan, aminado tayo na kailangang dumaan ang BBL sa masusing pag-aaral ng mga mambabatas bago ito tuluyang maisabatas.

Tungkulin natin na suriin, himayin at baguhin kung kinakailangan ang mga probisyong nakapaloob sa isang panukala bago ito aprubahan at kabilang dito ang BBL, lalo na ang mga sensitibong isyu ng BBL upang matiyak na ito’y alinsunod sa Saligang Batas.

Sa ganitong paraan, makakalikha tayo ng mas epektibo at mas matibay na batas na talagang magbibigay ng pangmatagalang kapayapaan sa Mindanao.

***

Mahalagang mabigyan ang mga kapatid natin sa Mindanao ng tunay at pangmatagalang kapayapaan dahil ito ang magbubukas sa pinto ng kaunlaran para sa kanila.

Kapag mayroon nang kapayapaan sa Mindanao, maaakit na magtatag ng negosyo o ‘di kaya’y magbuhos ng puhunan ang mga negosyante sa rehiyon.

Sa pamamagitan nito, lalakas na ang takbo ng ekonomiya at mabibigyan na ng trabaho at iba pang kabuhayan ang ating mga kapatid sa Mindanao.

Walang magandang idudulot ang all-out war na isinusulong ng karamihan. Lahat tayo ay talo sa digmaan.

Usapang pangkapayapaan ang tamang daan. Ito ang magdadala sa atin ng totoong kapayapaan at kaunlaran. Sama-sama tayong kumilos upang ito’y maisakatuparan.

Ito ang ating ultimate responsibility.

 

First Published on Abante Online

BIDA KA!: Mike 1 Bingo

Hindi maikaila na naging malungkot nang sinariwa muli natin ang mga huling oras ng Fallen 44, mula sa kanilang pagdating sa lugar hanggang sa huli nilang radio contact.

Ngunit huwag nating kalimutan ang tatlong salita na tumatak at nangibabaw sa pagdinig: “Mike 1 Bingo.”

Ito ang text ng isa sa mga ipinadala ng mga operatiba ng SAF, sinasabing napatay nila ang international terrorist na si Zulkifli bin Hir alias Marwan.

Hudyat ito na mission accomplished ang kanilang lakad. Nabura na nila sa mundo ang isa sa kinakatakutang terorista na siyang may-gawa ng ilang pagpapasabog sa iba’t ibang bahagi ng mundo.

Sa kabila ng sari-saring isyung lumitaw ukol sa pangyayari, huwag sanang mawala sa ating isipan na natapos nila ang kanilang misyon.

Ang kapalit ng pagkawala ng Fallen 44 ay mas tahimik na Pilipinas at ng buong mundo para sa atin at sa ating mga anak.

***

Humarap din sa pagdinig ang kontrobersiyal na si dating Special Action Force (SAF) head Getulio Napeñas, na siyang namuno sa nasabing operasyon.

Sa kanyang testimonya, pinanindigan ni Napeñas na isang “judgment call” ang kanyang desisyon na huwag ipaalam sa pamunuan ng PNP at Armed Forces of the Philippines (AFP) ang operasyon.

Ang paliwanag ni Napeñas, sa ilan nilang lakad kasama ang AFP, nakapuslit na si Marwan bago pa man sila dumating sa hideout ng terorista.

Sa pangambang muling hindi mahuhuli si Marwan, nagpasya si Napeñas na hindi muna ipaalam sa AFP ang mga plano at sabihan na lamang sila sa araw ng operasyon o kapag “time-on-target” na.

Sa pasyang ito, nahuli ang tulong ng AFP at naging isa sa mga dahilan kung bakit napakarami at karumal-dumal ang namatay mula sa SAF.

Sabi ng marami, kung nakipag-coordinate lang si Napeñas sa AFP, malamang na hindi umabot sa ganoon ang pangyayari. Natupad nga nila ang misyon ngunit marami namang buhay ang nasawi.

Ngunit mauuwi rin ba sa pagkamatay ni Marwan kung naki­pag-coordinate muli si Napeñas sa AFP at muli itong makakapuslit?

Kasaysayan ang siyang huhusga kay Napeñas kung tama o mali ang kanyang judgment call sa operasyon.

***

Mga Bida, kapansin-pansin naman ang hindi pagdalo ng ilang matataas na opisyal ng MILF, sa pangunguna ni Mohagher Iqbal, ang pinuno ng peace panel.

Kaya ‘di naiwasan ng ilan nating kapwa senador ang magpakita ng inis, lalo pa’t maraming katanungan na dapat nilang sagutin.

Kailangang makiisa ang MILF sa paghahabol natin ng katotohanan at hustisya para sa Fallen 44.

Hindi sapat ang pagbalik ng armas ng Fallen 44.

Bilang pakikiisa sa paghahanap ng katarungan para sa mga nasawi, hinihiling natin sa kanila na isuko nila ang mga pumatay sa SAF 44 at idaan sa tamang proseso ng ating mga batas ng bansa.

Kung tunay silang nakikiisa, hindi nila pahihirapan ang ating mga imbestigasyon at makikipagtulungan silang mabigyang li­naw ang ating mga katanungan sa mga nangyari.

***

Mga Bida, naghain ako ng resolusyon na bigyan ng posthumous Medal of Valor ang Fallen 44 upang kilalanin ang kanilang katapangan, kagitingan at ginawang sakripisyo para sa kapa­yapaan ng ating bansa.

Sa ilalim ng resolusyon, ang mga nabiyuda o ‘di kaya’y iba pang umaasa sa award ay mabibigyan ng habambuhay na monthly pension at puwedeng maging empleyado ng National Government Agencies (NGAs) o Government Owned and Controlled Corporations (GOCCs).

Nais nating hindi makakalimutan ang ginawa nilang sakripisyo na magsisilbing inspirasyon para sa ating mga kababayan na patuloy na pagsilbihan ang bansa.

***

Nakikiramay tayo sa mga pamilya ng 44 na PNP-SAF na nagbuwis ng buhay para sa kapayapaan. Sa mga gustong tumulong sa kanila, maaaring mag-donate sa DSWD-Landbank Account, “DSWD-Armed Conflict Mamasapano, Maguindanao,” LBP Current Account No. 3122-1026-28 o sa PNP-Landbank Account, “PNP Special Assistance Fund,” LBP Current Account No. 1862-1027-77.

 

First Published on Abante Online

BIDA KA!: Saludo sa #Fallen44

Batay sa ulat, napatay na ng elemento ng SAF si Marwan bago nila nakasagupa ang mga elemento ng Bangsamoro Islamic Freedom Fighters (BIFF) at Moro Islamic Liberation Front (MILF).

Sa paghupa ng bakbakan, isang mapait na tanawin ang tumambad sa lahat. Nabuwal ang ating mga bayani na ibinuwis ang kanilang buhay para mapanatiling ligtas ang ating bansa laban sa gaya ni Marwan.

Ang kanilang ginawa ay higit pa sa kabayanihan.

Isinakripisyo nila ang kanilang buhay para sa kaligtasan ng bansa at ng mundo, upang tayo’y mabuhay ng tahimik at malayo sa banta ng terorismo.

Sa Fallen 44, maraming salamat sa inyong sakripisyo, kagitingan at katapangan. Mas ligtas ang Pilipinas sa ginawa niyong kabayanihan.

***

Sa gitna naman ng sisihan at turuan kung sino ang may kasalanan sa sinasabing mis-encounter, huwag sanang maisantabi ang paghahabol sa hustisya para sa ating mga nasa­wing bayani.

Hindi dapat humantong sa wala ang pagkamatay ng ating mga bayani. Dapat managot sa batas ang gumawa nito. Dapat mabigyan ng katarungan ang kanilang pagkamatay para na rin sa kanilang mga naulila.

Kaya panawagan natin sa pamahalaan at MILF, magsagawa ng totohanang imbestigasyon ukol sa pinag-ugatan ng nangyari.

Malaki rin ang gagampanang papel ng MILF upang makamit ang hustisya. Mas mabilis itong maaabot kung kusa nilang isusuko ang mga tauhan na sangkot sa pagpatay.

Makatutulong na sila sa pagbibigay ng hustisya, makikita rin na handa silang makiisa sa hangarin ng pamahalaan na magkaroon ng pangmatagalang kapayapaan sa Mindanao.

***

Sa nangyaring bakbakan, nalagay sa alanganin ang usapang pangkapayapaan sa panig ng pamahalaan at MILF.

Mukhang maaantala rin ang pagpasa ng Bangsamoro Basic Law (BBL) na magbibigay-daan sa pangmatagalang kapayapaan sa Mindanao kasunod ng pag-atras ng suporta ng ilan sa kapwa ko senador.

Huwag tayong magpadalus-dalos at pakawalan na lang ang BBL. Malayo na ang narating ng usapang pangkapayapaan sa pagitan ng pamahalaan at MILF para basta na lang isuko.

Hindi dapat maantala ang hangarin nating magkaroon ng kapayapaan dahil sa nangyaring trahedya. Ang BBL ang pinakamalaking tsansa natin para magkaroon ng pangmatagalang kapayapaan sa Mindanao.

Kapayapaan ng buong bansa ang nasa puso’t isip ng Fallen 44 nang sumuong sila sa Maguindanao noong Linggo ng gabi.

Masasayang lang ang ginawa nilang sakripisyo kung hahayaan nating mauwi sa wala ang BBL. Ito ang susi sa pangmatagalang kapayapaan at pag-unlad ng Mindanao.

***

Nakikiramay tayo sa mga pamilya ng 44 na PNP-SAF na nagbuwis ng buhay para sa kapayapaan. Sa mga gustong tumulong sa kanila, maaaring mag-donate sa DSWD-Landbank Account, “DSWD-Armed Conflict Mamasapano, Maguindanao,” LBP Current Account No. 3122-1026-28 o sa PNP-Landbank Account, “PNP Special Assistance Fund,” LBP Current Account No. 1862-1027-77.

 

First Published on Abante Online

At a crossroads

In the next few weeks, we can expect news reports to revolve around the debates on the amendments on the draft of the Bangsamoro Basic Law and how it has been affected by the tragedy in Mamasapano, Maguindanao.

With the spotlight on the conflict in Mindanao, we are confronted with countless questions and emotions associated with distrust and, ultimately, fear.

Last month, the Senate released its committee report following the investigation on the Mamasapano clash and I am one of the senators who signed the committee report with reservations.

Though I agree with majority of what was written, I disagree with some of the conclusions made regarding the actions of the peace panel, the peace process, and the proposed Bangsamoro Basic Law itself.

There were conclusions about the“excessive” optimism of the peace panel, and the report went as far as calling the Bangsamoro Basic Law a “casualty” of the Mamasapano clash. These statements went beyond the scope of the hearings.

While the peace panel was represented during the Senate investigation, they were not able to present the proposed Bangsamoro Basic Law in depth nor were they able to discuss the peace process in detail.

We wrote the committee asking for clarifications and, if necessary, we will propose amendments once the report reaches the plenary.

These next few months are crucial if we are to achieve justice for our fallen heroes. We must maintain our focus on three things: First, we must capture those that were involved in the summary killing of the SAF 44 and have them stand trial for their crimes.

Second, we must ascertain that the families of the Fallen 44 are cared for and that the donations and benefits awarded to them are properly turned over.

And third, we must work to the best of our abilities to have peace in Mindanao so that tragedies like this will no longer happen again.

Through the course of the Mamasapano hearings, a number of concerns have been raised regarding the proposed Bangsamoro Basic Law. Some of these are with regard to constitutionality and others with regard to resources to be allotted for the proposed Bangsamoro new political entity.

The most pressing concerns, though, are with regard to the MILF itself and their ability to be partners in the peace process.

The crossroads we now face are whether legislators will seek to address these concerns through changes in the Bangsamoro Basic Law or whether these concerns mean the junking of the bill and possibly, the peace process altogether.

Though it may not seem that way now, before Mamasapano, we were closer than we had ever been to ending the decades-long conflict in Mindanao. Can we find our way back amidst the anger, fear, and grief that befell us?

The answer to this pregnant question is not just a “Yes,” but a “We have to.”

To honor those that have fallen in Mamasapano, and the thousands more throughout the decades of armed conflict, we have to.

To protect families from being displaced and torn apart by armed conflict, we have to.

To ensure that Filipinos stop killing each other, we have to.

It is the job of the Senate to debate, deliberate, and refine the proposed Bangsamoro Basic Law and produce the best possible version that addresses the concerns in our peoples’ hearts and minds.

We must learn from the Mamasapano incident and let spring forth a stronger regime of peace instead of letting the tragic event be a catalyst for more violence, war, and terror.

It is “the better angels of our nature,” as Lincoln once said, that will help us decide what path to take.

 

First Published on Manila Bulletin

Sen. Bam Eyes Medal of Valor for Mamasapano Survivors As Well

Aside from the Fallen 44, a senator recommends  to bestow the Medal of Valor to the Special Action Force (SAF) officers and other personnel who survived the Mamasapano encounter as well.

 

In his Senate Resolution No. 1180, Senator Bam Aquino said 31 SAF officers were wounded in the January 25 encounter against the Bangsamoro Islamic Freedom Fighters (BIFF) and the Moro Islamic Liberation Front (MILF).

 

In addition, one member of the 55th SAF Company and 30 members of the Seaborne United of the 84th SAF company sustained injuries as they held off elements of the MILF and the BIFF.

 

“The death of the PNP-SAF officers and all those wounded in the police operations should serve as a continuing reminder that the ultimate purpose of the government is to protect their citizens,” Sen. Bam said.

 

However, the SAF suffered heavy casualty, losing 44 men in a daring operation that led to the killing of international terrorist Zulkifli Bin Hir alias Marwan.

 

Sen. Bam said the sacrifice of these uniformed men as they carried out their duties to protect the citizenry and maintain peace and order in the country deserves no less than the Medal of Valor and the benefits and entitlement that goes with it, under Republic Act No. 9049.

 

“The outstanding act of bravery of these soldiers in the most dangerous combat circumstances only shows the quality of the country’s uniformed men in the service of the Filipino people,” Sen. Bam said.

 

Earlier, Sen. Bam filed a resolution seeking to posthumously award the Medal of Valor to the 44 SAF officers for their exemplary courage and heroism.

 

“Their mission was accomplished and that the country became a safer place because of them,” Sen. Bam emphasized.

 

The Medal of Valor entitles the widower and/or dependents of the awardee to a lifetime monthly gratuity and precedence in employment in National Government Agencies (NGAs) or Government-Owned and Controlled Corporations (GOCCs) among other benefits.

 

“Through this recognition, it is our hope that the nation will never forget what they’ve sacrificed for and be an inspiration for our fellow Filipinos to continue serving our country,” Sen. Bam stressed.

Sen. Bam’s statement on the selling of DVDs of carnage of Fallen 44

Some people capitalizing and financially gaining on the misery inflicted on the Fallen 44 is unacceptable.

This move only relives the gruesome massacre that saddened millions of Filipinos and adds to the already burdened families of the victims.

I call on authorities to pursue and punish those behind the distribution and sale of these DVD and VCD.

Scroll to top