By Listavengers

 

Bored ka ba? Ito ang pitong suhestiyon para maalis ang boredom mo at maging productive ang iyong summer!

 

1. Mag-swimming. Sa init ng panahon, masarap magbabad sa dagat. Kung walang pera o oras mag-outing, magtampisaw na lang sa inflatable pool, batya o sa drum!

 

 

2. Magpaka-sporty. Bago i-showcase ang katawan sa LaBoracay, bumisita sa boxing gym, jumoin sa volleyball league, subukang mag-Zumba, o makiuso sa mga exercise videos para ma-achieve ang inaasam na yummy body.

 

3. Mag-aral magluto. Mag-ala Chef Boy Logro ngayong summer at pagbutihin ang cooking skills. Ipatikim sa mga kaibigan at pamilya o di kaya magpasikat sa iyong crush! Ika nga nila, the best way to anybody’s heart is through his/her stomach.

 

 

4. Maging next Youtube Sensation o Online Hit gaya nina Mikey Bustos at Bogart The Explorer! Sumakay sa uso na dubsmash o kaya, maglaro ng DOTA habang walang pasok sa eskuwela. Mag-DOTA till the break of dawn, malay mo, maging next member ka ng #TeamRave. Huwag ka lang pa-offload.

 

5. Mag-emote ng wagas! Magbasa ng libro habang nasa coffee shop para magmukhang studious. Gumawa ng tula tungkol sa traffic sa EDSA o di kaya’y mag-blog tungkol sa iyong sawing pag-ibig. Baka maging viral pa ang iyong susulatin at gawin pa itong novela ng Precious Hearts Romance.

 

6. Magpakitang gilas sa pagvovolunteer for a good cause.  Isama ang mga barkada o gawing date ang paglilinis ng classroom sa Brigada Eskuwela o pagtatayo ng mga bahay sa GK Bayani Challenge. Nakapagpa-cute ka na, nakatulong ka pa.

 

 

7. Mag-move on at mag-let go…ng mga lumang gamit sa bahay.  Ang mga gadget na di na nilalaro at mga t-shirt na di kasya, ibenta mo na sa OLX.  Baka ito na ang simula ng hinihintay mong suwerte sa negosyo. Huwag lang ibebenta ang gamit na hindi sa iyo.

 

Kung mayroon kang naiisip na Lis7ahan at nais maging miyembro ng ListAvengers, mag-email sa team.bamaquino@senado.ph!